iklan

NASIONÁL, JUSTISA, HEADLINE, Uncategorized

FONGTIL preokupa suspensaun ba tratamentu passaporte iha Timor-Leste

FONGTIL preokupa suspensaun ba tratamentu passaporte iha Timor-Leste

Diretór Ezekutivu Forum Organizasaun Naun Governamentál Timor-Leste (FONGTIL), Valentim da Costa Pinto. Imajen Tatoli/António Daciparu.

DILI, 04 dezembru (TATOLI)– Diretór Ezekutivu Fórum Organizasaun Naun Governamentál Timor-Leste (FONGTL), Valentin da Costa Pinto, lamenta tebes polítika Governu hodi suspensaun trata passaporte ho razaun kaderneta iha primeira faze distribui hotu ona, tanba prejudika ba ema barak nian movimentu.

“Ita tenke haree kuandu ema iha urjénsia tanba importante, maibé la hetan ida ne’e afeta ba sira. ba ema sira ne’ebé hanesan halo tratamentu saúde iha rai li’ur, joven sira ne’ebé hetan oportunidade ba serbisu iha rai li’ur no eskola”, Diretór FONGTIL ne’e hatete ba agência TATOLI, iha Faról.

Diretór ne’e dehan joven balun hakarak estuda iha rai li’ur no hanesan mós traballadór, maibé laiha kaderneta, ne’e afeta ba sira nia planu hodi buka oportunidade servisu.

“Ita nia joven sira liu teste ba vaga servisu iha rai li’ur iha Sekreatáriu Estadu Profissionál no Empregu, maibé laiha dokumentu ida ne’e bele afeta ba ekonomia família, tamba dezempregu iha laran. Ita nia oan sira ne’ebé hakarak kontinua estuda, maibé lahetan kaderneta sira lakon oportunidade ba eskola. Ita nia joven sira lakon oportunidade no lakon investimentu ba iha rekursu umanu ba kontinuasaun Estadu”, nia lamenta.

Prodús kaderneta passaporte la fasil

Primeiru- Ministru, Kay Rala Xanana Gusmão. Imajen Tatoli/Francisco Sony

Iha biban ketak, Primeiru Ministru, Xanana Gusmão, dehan, atu prodús kaderneta la’ós buat fasil tanba ne’e ita presiza loke konkursu públiku atu kompania sira ba halo produsaun.

“Ita hanoni produs kaderneta ne’e buat fasil, se fasil ita sosa iha ne’e, maibé la fasil ne’e mak ita ba sosa iha rai li’ur ne’e. Ita iha kompãnia estranjeiru ida mak sei  produs  kaderneta ne’e. Ita presiza hein tanba iha hela prosesu,” katak Xefe Governu ne’e.

Kaderneta Passaporte iha faze dahuluk hamutuk 16.000 distribui hotu ona, hosi nasionál to’o munisipál, no hein tan faze daruak ho totál liu rihun 57 ne’ebé sei halo hela produsaun iha Finlándia.

Kaderneta Passaporte rihun 16-000, antes ne’e, to’o iha Timor-Leste iha 16 novembru 2023, no faze daruak iha 57.000-resin mak oras ne’e daudaun sei iha hela prosesu produsaun iha Filándia.

Rekorda katak Governu liuhosi Konsellu Ministru iha loron 11 outubru 2023 aprova akizasaun ba Kaderneta Passaporte Timor-Leste hamutuk 73.840 iha Filándia.

Governu liuhosi Konsellu Ministru Kontrata Empreza Thales atu halo produsaun kaderneta passaporte Timor-Leste iha Finlándia, maibé kaderneta passaporte faze daruak la hatene los atu mai bainhira.

Ministériu Justisa liuhosi DGSRN suspende ona atendimentu passaporte tanba estoke passaporte hamutuk 16.000 ne’ebé mak antes ne’e mai hotu ona.

“Avizu ne’ebé mak ami taka sai ne’e realidade mak ida-ne’e, estoke kaderneta 16.000 ne’ebé mak mai iha 16 novembru 2023 hotu ona no provizoriamente ita taka atendimentu hodi hein estoke kaderneta foun mai”.

Hafoin Kadertenta Passaporte mai iha 16 novembru 2023, Ministériu Justisa, liuhosi Diresaun Jerál Servisu Rejistu Notariadu nasionál to’o munisipál loke fali atedimentu passaporte ba públiku.

Notísia relevante: Hein tan Kaderneta Passaporte rihun 57 tanba faze dahuluk hotu

Jornalista: Jesuína Xavier

Editór       : Florencio Miranda Ximenes

iklan
iklan

Leave a Reply

iklan
error: Content is protected !!