DILI, HEADLINE, POLÍTIKA

Marsu: Xanana sei avalia dezempeñu servisu membru Governu

Marsu: Xanana sei avalia dezempeñu servisu membru Governu

Primeiru- Ministru, Kay Rala Xanana Gusmão. Imajen Tatoli/Egas Cristóvão

DILI, 04 janeiru 2024 (TATOLI) – Primeiru-Ministru (PM), Kay Rala Xanana Gusmão, sei halo avaliasaun, iha marsu, ba dezempeñu servisu membru Governu sira-nian, karik la halo servisu, sei tau ema seluk.

“Orsamentu Jerál Estadu (OJE) aprova ona. Durante fulan neen kotuk Governu hadia uma-laran,, agora mak ami foin prepara aan atu ezekuta programa hirak ne’ebé Governu husu osan atu tau ba, ho nune’e mak ha’u ko’alia ona ba membru Governu hotu iha fulan marsu ha’u sei la’o ba kada ministériu atu buka hatene saida mak sira halo ona, se mak la halo servisu, la serve tenke hasai no hatama ema seluk”, Xanana dehan ba jornalista sira iha Palásiu Prezidensiál hafoin hasoru malu ho Prezidente Repúblika, Ramos Horta, ohin.

Nia dehan, sai membru Governu la’os atu boot maibé atu kumpre desizaun hodi halo servisu hodi servi ba povu no nasaun.

“Povu hili atu halo buat ruma ba rai ida-ne’e, la’os atu mai tur de’it simu osan, ida-ne’e mak Governu ida-ne’e nia kumpromisu”, nia revela.

Governu da-sia ne’ebé lideradu hosi PM Kay Rala Xanana Gusmão ho nia membru Governu hamutuk na’in 47 mak hanesan;

Primeiru Ministru no Ministru sira

Primeiru Ministru: Kay Rala Xanana Gusmão

Vise-Primeiru Ministru I: Francisco Kalbuadi Lay

Vise-Primeiru Ministru II: Mariano Assanami Sabino

Ministru Prezidensia Konsellu Ministru: Agio Pereira

Ministra Finansas: Santina Cardoso

Ministru Negosiu Estranjeiru no Kooperasaun: Bendito Freitas

Ministru Justisa: Amandio de Sá Benevides

Ministru Administrasaun Estatal: Tomas do Rosario Cabral

Ministra Saúde: Elia Amaral

Ministra Edukasaun: Dulce de Jesus

Ministru Ensinu Superior: José Honorio da Costa Pereira Jerónimo

Ministru Asuntu Kombatente Libertasaun Nasionál: Gil “Oan Soru”

Ministru Obras Públika: Samuel Marçal

Ministru Transporte no Komunikasaun: Miguel Manetelu

Ministru Komersiu Industria: Nino Pereira

Ministru Agrikultura, Peska Pekuaria: Marcos da Cruz

Ministru Defeza: Donanciano do Rosario Gomes

Ministru Petroleu no Rekursu Minerál: Francisco da Costa Monteiro

Ministru Interior Francisco Guterres

Ministra Solidaridade Sosial no Inkluzaun: Véronica das Dores

Ministru Juventude Desportu Arte no Kultura: N’elio Isaac Sarmento

Ministru Planeamentu Investimentu Estratejiku: Gastão Sousa

Vise Ministru Sira

Vise Ministru Asuntu Parlamentar: Adérito Hugo da Costa

Vise Ministra Finansas: Felícia Carvalho

Vise Ministra ba Asuntu ASEAN: Milena Rangel

Vise Ministru ba Fortalesimentu Institusionál: Paulo Remedos

Vise Ministru ba Fortalesimentu Institusionál Saúde: José dos Reis Magno

Vise Ministru ba Infrastrutura: Julio do Carmo

Vise Ministru Administrasaun Estatál: Jacisnto Rigoberto

Vise Ministru Komersiu: Augusto Junior Trindade

Vise Ministra Solidaridade Sosial no Inkluzaun: Céu Brites

Vise Ministru ba Operasionalizasaun Ospitál: Flavio Brandão

Sekretariu Estadu sira

Sekretaria Estadu Igualdade: Elvina Carvalho

Sekretariu Estadu Komunikasaun Sosial: Expedito Dias Ximenes

Sekretariu Estadu Teras no Propriedade: Jaime Xavier Lopes

Sekretariu Estadu Ensinu Sekundariu Jerál no Ensinu Sekundariu Tekniku Vokasionál: Domingos Lopes Lemos

Sekretariu Estadu Eletrisidade Bee no Saneamentu: Santos Noronha

Sekretariu Estadu Arte no Kultura: Jorge Cristovão

Sekretariu Estadu Peskas: Domingos da Conseição dos Santos

Sekretariu Estadu Pekuaria: José Vieira de Araujo

Sekretariu Estadu Floresta: Fernandino Vieira

Sekretariu Estadu Kooperativa: Arcenio Pereira

Sekretariu Estadu Formasaun Profesionál no Empregu: Rogerio Araujo Mendonça

Sekretariu Estadu Dezenvolvimentu Lokal: Mateus dos Santos Tallo

Sekretariu Estadu Asuntu Toponomia Organizasaun Urbana: Germano Brites Dias

Sekretariu Estadu ba Protesaun Sivil: Domingos Mariano Reis

Sekretariu Estadu Veteranus: César dos Santos da Silva.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!