iklan

NASIONÁL, DESPORTU, HEADLINE

Timor-Leste Galaxy United halakon SLB Laulara 3-2 iha jogu Timor CUP

Timor-Leste Galaxy United halakon SLB Laulara 3-2 iha jogu Timor CUP

Imajen/espesial

DILI, 06 janeiru 2024 (TATOLI)- Klube Futeból AD SLB Laulara lokon pontu ho nia adversáriu Klube Timor-Leste Galaxy United Melbourn (Komunidade Xineza Timoroan) ho eskore 3-2, durante jogu iha taxa Timor CUP 2023 iha kampu futeból Melbourne-Austrália.

Iha jogu dahuluk ekipa SLB Laulara no Timor-Leste Galaxy United, idak-idak hatudu performa ka tatika ida di’ak iha primeiru jogu hodi domina  iha kampu laran, nune’e Jogador SLB Memet konsege hatama uluk golu primeiru hodi lori ekipa AD SLB manan pontu 1-0.

Ho pontu ida ne’e, ekipa Timor-Leste Galaxy United mós lakohi lakon hodi halo esforsu maka’as hatama golu ida hodi lori klube rua ho pontu ka eskore hanesan 1-1.

Tama ba etapa daruak kube rua kontinua hatudu idak-idak ninia forsa, nune’e AD SLB Laulara rekolla tan golu ida hosi Jogador nu’udar mós Embaixadór ba Foin Sa’e ho Diversidade Hotu-Hotu, Kay Olok Gusmão  hodi lori ekipa muda eskore iha tabela ba ukun provizoriu ho skor 2-1.

Hafoin golu ida ne’e, ekipa estimadu komunidade Laulara ne’e fiar aan katak, sira sei hetan vitória, maibé ekipa adversáriu Timor-Leste Galaxy United halo esforsu kontra atake maka’as no domina bola iha kampu laran ho di’ak, nune’e konsege hatama golu ida lori ekipa rua ho eskore balansu 2-2.

Jogu kontinua la’o ho intensidade furak ne’ebé ekipa rua hatudu halo ema rihun ne’ebé asiste jogu iklui Vice Primeiru-Ministru no Ministru Koordenadór ba Asuntu Ekonómiku, Ministru Turizmu no Ambiente, Francisco Kalbuadi Lay no patrosinadór AD SLB Laulara, Aero Dili Lideradu, Lourenço de Oliveira ho espresaun kontente fó apoia ba ekipa AD SLB Laulara ne’ebé hatudu performance disiplina tebes.

Iha ona minutu ikus maka, ho jogu ida ne’ebé defensivu ho kontra atake lais no ikus liu maka, Jogador Timor-Leste Galaxy United Melbourn hatama golu hodi muda skor no lori ekipa manan AD SLB Laulara 3-0.

Ho vitória ne’ebé Timor-Leste Galaxy United Melbourn hetan, Treinadór AD SLB Laulara, Rafael konsidera ekipa AD SLB Lauara sei iha nafatin skor boot hodi reprezenta Timor-Leste iha jogu semi finais too finais ba taxa jogu Timor CUP 2023.

“Jogu ida ne’e ho di’ak, iha parte dahuluk ida domina nafatin bola, mesmu Timor-Leste Galaxy United Melbourne sira iha jogadór ida ka rua di’aí mai hosi akademia futeból hotu ne’ebé halo ita-nia jogadór AD SLB Laulara lakon iha fíziku, maibé durante jogu ne’e buat hotu la’o di’ak no disiplina no ita lakon iha minutu ikus de’it, maibé ida-ne’e latau iha kestaun, tanba ita iha nafatin esperansa iha jogu tuir mai ita fiar aan sei manán Klubu sira seluk iha finál”, Rafael haktuir liuhosi nota ne’ebé Agência Tatoli asesu, sábadu ne’e.

Hafoin jogu, treinadór AD SLB Laulara, Rafael konvoka kedas reniaun ho ekipa jogadór sira hodi trasa tátika jogu ne’ebé furak hodi prepara aan hasoru Klube Craigieburn Pythons  iha loron 07 janeiru 2024 ne’ebé sei hala’o iha kampu futeból Melbourne Austrália.

Jogu ne’e asiste masimu hosi komunidade Timoroan sira iha Austrália inklui mós komunidade rai seluk ho klube lubuk ida ne’ebé partisipa taxa Timor CUP 2023.

Jornalista : Antónia Gusmão

Editór         : Florencio Miranda Ximenes

iklan
iklan

Leave a Reply

iklan
error: Content is protected !!