iklan

HEADLINE, SAÚDE

Ai-rin konstrusaun pediatria andar lima hanehan traballadór Xineza lakon vida

Ai-rin konstrusaun pediatria andar lima hanehan traballadór Xineza lakon vida

Traballadór sira hahú konstrui edifísiu ne’ebé Kompañia internasionál, China Civil Engineer Constrution Cooperation (CCECC), husi xina hahú halo konstrusaun ba edifísiu andar lima ba pediatria no ICCU iha HNGV. Imajen Tatoli/António Daciparu

DILI, 08 janeiru 2024 (TATOLI) – Diretór Klínika Hospitál Nasionál Guido Valadares (HNGV), Marcelino Correia, hateten ai-rin ba konstrusaun pediatria andar lima iha sesta semana kotuk hanehan traballadór Xineza na’in ida lakon vida.

“Tuir informasaun husi ami-nia Xefe Departamentu Enginaria ne’ebé mak durante akompania katak los duni traballadór Xineza na’in ida mate fatin tanba ai-rin hanehan no daudaun ne’e mate isin iha hela mortuariu HNGV hodi hein família husi Xina”, Marcelino Correia dehan iha nia kna’ar fatin HNGV, ohin.

Nia afirma, Empreza CCECC, husi inísiu, kaer kontrusaun refere to’o hotu ho ekipamentu sira ne’e sira hatama husi nasaun Xina.

“Ekipamentu sira ne’ebé mak durante sira uza ba konstrusaun ne’e, sira hatama mai husi nasaun Xina, hanesan ai-rin sira ne’ebé mak durante utiliza atu fura tama ba rai atu halo konstrusaun sira ne’e mai husi ne’eba”, nia esplika.

Nia afirma, mate isin sei hein família husi Xina mai mak sei haloot, tanba ne’e agora prepara hela kona-ba kontinuasaun atu hakoi iha ne’e ka lori ba sira-nia rai, ida-ne’e desizaun família.

“Traballadór ne’ebé mak hetan dezastre ne’e mate isin tau hela iha mortuáriu, maibé konstrusaun tuir ona kontratu katak kompania kontinua nafatin halao servisu hanesan baibain”, nia relata.

Kontrusaun pediatria andar lima ho ICCU  hetan kontratu husi Empreza China Civil Engineer Contruction Coorporation (CCECC), no kontrusaun refere sei hala’o durante tinan rua (2023-2025).

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!