iklan

DESPORTU, DILI, HEADLINE

FIFA, AFC no AFF sei observa kongresu FFTL

FIFA, AFC no AFF sei observa kongresu FFTL

Adjuntu Sekretariu Jerál FFTL, Frederico Martins. Imajen Tatoli/ Hortencio Sanches

DILI, 08 janeiru 2024 (TATOLI) – Adjuntu Sekretáriu Jerál Federasaun Futeból Timor-Leste (FFTL) Frederico Martins, hatete reprezentante hosi Federation International Football Asosiation (FIFA), Asian Football Confederation (AFC) no Asian Football Federation (AFF) sei halo observasaun direta ba kongresu extraordináriu ne’ebé sei realiza iha loron 10 fulan janeiru agora.

“Iha kongresu ne’e FIFA nia ema sei mai, AFC nian mós sei mai inklui mós Prezidente no Sekretáriu Jerál AFF nian mós sei mai atu halo observasaun”, Frederico dehan ba Agência TATOLI iha edifísiu FFTL, ohin.

Nia dehan, preparasaun ba kongresu ne’e hala’o kedan iha tinan kotuk bainhira Prezidente sesante Francisco Jerónimo rejigana aan iha kongresu anuál FFTL nian.

“Preparasaun foin mak halo maibé prepara kedan iha tinan kotuk tuir estatutu FFTL nian loron 60 ba kongresu ita tenke manda ona notifikasaun ba kongresista sira no halo submisaun ba lista kandidatura, buat sira-ne’e ita prepara ona 10 janeiru iha Hotel Timor ita halo de’it ona kongresu hodi hili estrutura foun”, nia hatete.

Iha lista kandidatura ba Prezidente FFTL figura importante na’in rua, ida mak Nilton Telmo Gusmão no rua mak Francisco Kalbuadi Lay mak sei kompete hodi lidera FFTL durante mandatu tinan haat.

Tuir estatutu FFTL, assosiasaun ne’ebé rejistradu no iha direitu absoluta hodi partisipa no fó votu iha kongresu ne’e hamutuk asosiasaun 20.

Hosi númeru asosiasaun 21 ne’e mak Asosiasaun Futeból Dili Leste, Dili Oeste, Baucau, Bobonaro, Ermera, Ainaro, Aileu, Liquiça, Viqueque, Lautem, Covalima, Manufahi, RAEOA, Assosiasaun Futeból Femenina, Sentru Juvenil, Assosiasaun Futsal Timor-Leste, Assosiasaun Arbitrajen, Assosiasaun Treinadór, klube kampiaun Liga Futeból Timor-Leste (LFTL) primeira divizaun Karketu Dili FC, segunda divizaun DIT FC.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!