iklan

NASIONÁL, POLÍTIKA

Governu hala’o ona pagamentu bolsa da mãe kondisionál 40.112 iha 2023

Governu hala’o ona pagamentu bolsa da mãe kondisionál 40.112 iha 2023

Diretór Nasionál Asisténsia Sosiál MSSI, Fernando dos Reis. Imajen Tatoli/Osória Marques

DILI, 08 janeiru 2024 (TATOLI)—Diretór Nasionál Asisténsia Sosiál (DNAS), Fernando dos Reis, hateten Governu halo ona pagamentu ba benefisiáriu bolsa da mãe kondisionál hamutuk 40.112 ho osan hamutuk $4.401.120.

“Ita halo pagamentu ba benefisiáriu bolsa da mãe kondisionál hosi janeiru to’o dezembru 2023 ne’e, ita iha 41.472 ($4.565,640) no hosi ne’e ita só selu de’it mak 40.112,” nia hateten ba Agência Tatoli, iha nia kna’ar fatin MSSI Caicoli, segunda ne’e.

Hosi benefisiáriu 41.472 ne’e,tuir nia, iha konta rezeita hamutuk 52 ho nia osan $6.240, konta taka nian iha 69 ho nia osan $7.140, konta rezeitadu uza produtu poupansa ordináriu hamutuk 555 ho nia osan $62.940, no konta nullu iha 674 ho nia osan hamutuk $88.200.

Ho konta sira-ne’ebé rejeitadu konta inkoretu, konta produtu seluk, konta taka no konta nullu sei re-embolsa orsamentu.

“Ami informa mós katak re-embolsa hikas ona orsamentu refere ba konta bankária ho naran konta operasionál Programa Apoiu Kondisional Bolsa da Mãe-MSSI ho totál $164,520.00,” nia dehan.

Antes ne’e, Ministra Solidariedade Sosiál no Inkluzaun (MSSI), Verónica das Dores, hateten Governu liuhosi MSSI halo ona pagamentu ba benefisiáriu bolsa da mãe kondisionál faze daruak iha novembru 2023 nia klaran no konklui iha 20 dezembru 2023.

Nia hatutan, iha 14 novembru 2023, MSSI foin simu notifikasaun hosi BNCTL hodi halo pagamentu ba Bolsa da Mãe kondisionál no mós selu ba idozu no invalidéz sira iha territóriu nasionál.

“Ita-nia alin estudante sira-ne’ebé sai benefisiáriu ba programa bolsa da mãe kondisionál hamutuk 76.094 ho orsamentu $4.565,640. Pagametu hahú iha 15 novembru no sei konklui iha 20 dezembru 2023,” Ministra Verónica hateten.

Hosi benefisiáriu 76.094 ne’e kompostu hosi munisípiu Aileu iha benefisiáriu hamutuk 4.453 ho osan $267,180; Ainaro iha 5.483 ho osan $328,980; Baucau iha 6.920 ho osan $415, 200; Bobonaro iha 7.503 ho osan $450,180; Covalima iha 5.419 ho san $325,140; Dili iha 8.946 ho osan $536,760.

Iha Ermera ne’e iha benefisiáriu hamutuk 5.836 ho osan $350,160; Lautém iha 5.664 ho osan $339,840; Liquiça iha 5.346 ho osan $320,760; Manatuto iha 4.302 ho osan $258,120; Manufahi iha 5.333 ho nia $319,980; Oé-Cusse iha 6.076 ho osan $364,560 no munisípiu Viqueque iha 4.813 ho osan $288,780.

Jornalista : Osória Marques

Editór        : Cancio Ximenes

iklan
iklan

Leave a Reply

iklan
error: Content is protected !!