Top

Bankada CNRT kontinua kompromete altera lei pensaun vitalísia

Deputadu Partidu Congresso Nacional de Reconstrução Timorense (CNRT), Patrocínio dos Reis Fernandes. Imajen/Mídia SEKOMS.

DILI, 09 janeiru 2024 (TATOLI)—Vise Bankada CNRT iha Parlamentu Nasionál (PN), Deputadu Patrocínio Fernandes, hateten IX Governu Konstituisionál iha vontade kumpre kompromisu altera lei pensaun vitalísia.

Notísia Relevante: Loron 120: CNRT prioriza sei aprezenta inisiativa altera lei pensaun vitalísia

“Pensaun vitalísia kompromisu ida mós, ne’ebé mak hatuur iha programa Governu, Ne’ebé, hanoin katak Governu ida-ne’e antes termina nia mandatu iha vontade sei tau asuntu sira-ne’e hotu, kumpre kompromisu sira-ne’ebé hatuur iha programa Governu inklui pensaun vitalísia,” nia hateten ba jornalista sira iha uma fukum PN, tersa ne’e.

Hatán kona-ba tinan ne’e nu’udar bankada Governu hamutuk ho Governu atu haree altera ona pensaun vitalísia, nia hatán, ida-ne’e sei ajusta tuir prioridade maibé Governu ida-ne’e iha ona kompromisu antes termina mandatu tinan lima sei altera.

“Prosesu ne’e hatuur ona programa Governu ninian konserteza sei hala’o iha ne’eba. Agora, prioridade atu iha tinan ida-ne’e ka prioridade ne’ebé, maibé ita sei ajusta prioridade hotu-hotu nu’udar prioridade Estadu tomak ninian, la’ós tau prioridade ba grupu oan ida-ne’ebé mak ezije dehan ida-ne’e tenke halo. Depois Estadu hola desizaun katak, ida-ne’e mak prioridade, lae prioridade ne’e Estadu tomak atu ajusta saida mak loloos ne’e prioridade ba Estadu ne’e tomak,” nia hateten.

Jornalista : Nelson de Sousa

Editór        : Cancio Ximenes

Publisidade

Leave a Reply

Latest Post

error: Content is protected !!