Governu aloka rihun $180-resin konstrui edifísiu CCLN iha Ermera-Manufahi
DILI, 09 janeiru 2024 (TATOLI)—Sekretáriu Estadu Veteranu (SEV), César da Silva “Merak”, hateten iha tinan 2024 ne’e Governu konstrui edifísiu Konsellu Kombatente Libertasaun Nasionál (CCLN, sigla portugés) iha Ermera ho Manufahi ho montante $180.000-resin.
“Edifísiu CCLN iha Manufahi ho Ermera hahú ona konstrui ho alokadu kada edifísiu $90.000-resin hosi Governu,” César da Silva “Merak” hateten ba Agência Tatoli iha nia kna’ar fatin, Caicoli, tersa ne’e.
Governante ne’e dehan, edifísiu CCLN provizóriu iha munisiípiu hotu-hotu iha ona, maibé Ermera ho Manufahi mak laiha nune’e foin hahú halo konstrusaun.
“Loloos ne’e Governu aloka osan ba munisípiu hotu-hotu maibé tanba de’it pandemia COVID-19 mak labele realiza no osan hodi uza fali ba atividade seluk, nune’e iha IX Governu Konstitusionál ida-ne’e konstrui edifísiu rua refere,” nia dehan.
Jornalista : Osória Marques
Editór : Cancio Ximenes
