iklan

NASIONÁL, DILI, HEADLINE, KAPITÁL

MOP hasai sedimentasaun iha mota no estrada risku ba inundasaun

MOP hasai sedimentasaun iha mota no estrada risku ba inundasaun

Akontese udan bo'ot iha kapital Dili, hamosu mota bo'ot iha iha Bidaun Santana, segunda (09/01). Imajen Tatoli/Francisco Sony

DILI, 10 janeiru 2024 (TATOLI) –Ministériu Obra Públika (MOP) koopera ho Autoridade Protesaun Sivíl no Bombeiru, hahú hasai ona sedimentasaun sira iha mota no estrada sira ne’ebé risku ba inundasaun.

Hafoin udan bo’ot, ne’ebé akontese iha kapitál hahù 15:00 to’ 16:00 lokoraik rezulta uma komunidade nian ne’ebé harii besik iha área foho hun inklui kapitál Dili kuaze sofre inundasaun no hetan estragu.

Notísia relevante: Uma-kain 10-resin iha Becusse Kakeu Laran sofre inundasaun

Udan bo’ot ne’e mós rezulta estrada no valeta balun intupidu, tanba nakonu ho foer oin-oin ne’ebé so’e arbiru iha mota laran, valeta no estada públiku.  Alende ida ne’e, edifisiu instituisaun públiku sira, loja no kioske ne’ebé lokaliza iha área Caicoli, Audian, Bairru-Pitté, Comoro bee nalihun nakonu ho tahu nakonu.

Akontese udan bo’ot iha kapital Dili, afeta ba trasporte privadu sira nia movimentu iha Portu Dili, segunda (09/01). Imajen Tatoli/Francisco Sony

“Ami mobiliza kedas hosi kompaña no Institutu Jestaun Ekipamentu hodi halo intervensaun no hasai sedimentasaun sira iha mota no estrada públiku sira iha área risku sira ba inundasaun iha Dili laran. Ami koordena ho Ministériu Interiór no bombeiru hodi fase kedas dalan sira ne’e hodi komunidade sira bele halo movimentu ho di’ak iha kapitál”, Vise-Ministru ba Infraestrutura iha Ministériu Obra Públika, Júlio do Carmo, hateten ba Agência TATOLI, iha Caicoli.

Ministériu Obra Públika liuhosi ho ekipa IGE-ADI ne’ebé hetan apoia hosi Kompaña nomalizasaun ba bee dalan iha área  risku sira hodi asegura komunidade labele sofre ba inundasaun.

Ekipa MOP no IGE-ADI koloka mós ekipamentu pejadu hodi halo normalizasaun ba estrada iha área Kristu Rei Dili, Becora, halo indentifikasaun iha área risku ba indundasaun sei normaliza hotu kedas.

“Ita halo ona identifikasaun ba mota sira ne’ebé fó risku ba inundasaun hanesan mota Bekuse, Bedois Maloa, no seluk tan atu halo normalizasaun ka hasai sedimentasaun hodi prevene inundasaun,” nia afirma.

Nune’e, nia apela ba populasaun atu labele halo uma iha tasi ibun hanesan iha Metiaut no fatin seluk tanba sedimentu sira mai taka sira nia uma no estrada.

“Halo uma iha parte foho labele ke rai no ami sei servisu hamutuk hodi haree problema ne’e. Negosiante sira mós labele halo negósiu no uma iha tasi ibun. Kuandu ita halo uma bob’ot iha tasi ibun, udan tun mai bele hamosu inundasaun

Entretantu, Prezidente Autoridade Protesaun Sivíl (APC, sigla Portuges), Superintendente Polísia Ismael Babo, afirma kontinua koopera ho MOP no bombeiru hodi hasai sedimentasaun iha mota risku ba inundasaun no iha estrada públika.

“Ami sei fase estrada sira bainhira hasai ona sedimentasaun,” nia kompromete.

Notísia relevante: Autoridade Protesaun Sivíl asegura vítima inundasaun 131 iha salaun Caicoli

 Jornalista  : Jesuína Xavier

Editór          : Florencio Miranda Ximenes

iklan
iklan

Leave a Reply

iklan
error: Content is protected !!