COVALIMA, HEADLINE

Funsionáriu 211 iha AMC la kontinua serbisu

Funsionáriu 211 iha AMC la kontinua serbisu

Sekretáriu AMC, Francisco de Jesus Alves. Imajen/Celestina Teles.

COVALIMA, 11 janeiru 2024 (TATOLI) – Funsionáriu kontratadu no ajente administrasaun públika 211 ne’ebé presta sira-nian serbisu iha Administrasaun Munisípiu Covalima (AMC) nia kontratu termina iha loron 31 dezembru 2023 ho baze ba despaixu husi Ministériu Administrasaun Estatál (MAE).

“ Ita nia funsionáriu ne’ebé servisu iha Administrasaun Munisípiu Covalima hamutuk 415 , durante ne’e presta sira-nia servisu ne’ebé iha-nia diretór servisu munisipál 18 no iha postu administrativu hitu, sira-nia kontratu termina , iha loron 31 fulan-dezembru tinan 2023 ”, Sekretáriu AMC, Francisco de Jesus Alves, relata dadus ne’e, iha sukaer-laran, kinta-ne’e.

Sekretáriu AMC, Francisco Alves, hatete autoridade munisipál iha funsionáriu hamutuk 415 ne’ebé hala’o knaar iha postu administrativu hitu, husi númeru ne’e 211 mak lakontinua sira-nian serbisu.

“Funsionáriu permanente ho grau A no G hamutuk 204, kontratadu 211, ne’ebé kompostu husi funsionáriu kontratadu na’in-133 no ajente administrasaun públika 78 ne’ebé servisu iha Administrasaun Munisípiu Covalima ho nia diretór servisu munisipál 18, inklui iha postu administrativu hitu”, dehan.

Maske funsionáriu refere nia kontratu termina ona, maibé Autoridade Covalima kontinua hein orientasaun husi MAE katak kontinua sira-nian kontratu ka iha ona mudansa.

Diretór Servisu Munisipál Jestaun Merkadu no Turizmu, Vitorino do Carmo, salienta katak nia iha funsionáriu kontratadu na’in-haat ne’ebé kontratu termina ona, maibé sira nafatin kontinua servisu ho voluntáriu.

Funsionáriu ne’ebé serbisu iha Servisu Munisipál Jestaun Merkadu no Turizmu hamutuk na’in-ualu, kompostu husi permanente na’in-haat no kontratadu haat.

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!