Moras Chikungunya mai husi dengue, kuidadu aan iha tempu udan
DILI, 15 janeiru 2024 (TATOLI) – Ministra Saúde, Elia dos Reis Amaral, dehan moras Chikungunya mai husi moras dengue, husu ema hotu kuidadu aan iha tempu udan.
“Kazu foun Chikungunya ne’e ita relata katak nia mai husi susuk tanba ita hatene, daudaun ne’e, tempu udan, bainhira tata ema ida, nia sinál sintonma hanesan mós ho moras dengue”, Elia dehan ba jornalista sira bainhira konklui reuniaun Konsellu Ministru iha Palásiu Governu, ohin.
Nia informa, Chikungunya akontese ba ema ida hanesan moras dengue ne’ebé rezulta isin manas, isin malirin, ruin sin no isin baruk ne’ebe afeta ba labarik kiik sira inklui ema boot.
Ministra Saúde, agradese ba pesoál saúde sira ne’ebé durante ne’e halo prevensaun ba kazu dengue ne’ebé mak mosu iha Timor-Leste.
“Kazu dengue ne’ebé mak durante iha mak ita -nia ekipa sira antes tama ba novembru, ita halo ona fomigasaun tama sai uma hodi prevene kazu dengue ida-ne’e”, nia relata.
Ministériu Saúde nia intervensaun mak nafatin aviza hodi tama sai bairo ho objetivu atu atu kuidadu aan hodi halo prevensaun ba moras dengue tanba kazu ida-ne’e kontajioza. Iha fulan janeiru ne’e, Ministériu Saúde rejista kazu chinkungunya besik 20.
Jornalista : Felicidade Ximenes
Editór : Zezito Silva
