iklan

NASIONÁL, POLÍTIKA

2024: MACLN atribui bolsa estudu ba veteranu nia oan 1.300

2024: MACLN atribui bolsa estudu ba veteranu nia oan 1.300

Kandidatu estudante submete dokumentu ba Tékniku konselu veteran Covalima atu bele asesu bolsa estudu ba veteranu no martir nia oan sira. Imajen Tatoli/Celestina Teles

DILI, 17 janeiru 2024 (TATOLI)—Ministru Asuntu Kombatente Libertsaun Nasionál (MACLN, sigla portugés), Gil da Costa Monteiro “Oan Soru”, hateten iha tinan 2024 ne’e ministériu atribui tan bolsa estudu ba veteranu nia oan sira iha territóriu nasionál.

“Ita 2024 ita sei atribui ba ema 1.300 maibé la’ós fó de’it, tenke teste por méritu. Se ita naran fó de’it ba veteranu nia oan hotu mak hanesan batar karik kuda iha fatuk nia leten mak sei la moris, tanba ne’e presiza haree ema-ne’ebé méritu,” Ministru Oan Soru hateten ba Agência Tatoli liuhosi programa “Entrevista Eskluziva” iha estúdiu Tatoli, Faról, tersa ne’e.

Atu hetan bolsa estudu ne’e, ministru husu veteranu nia oan sira tenke estuda makaas hodi compote no labele hanoin dehan veteranu nia oan sira iha territóriu nasionál ne’e hetan hotu bolsa estudu ne’e.

“Ita fó bolsa estudu ba de’it estudante sira ba rai-laran. Se ba rai-li’ur hotu entaun osan la to’o. No, kondisaun rai-laran ho rai-li’ur la hanesan. karik iha maibé ladún barak,” nia dehan.

Atribuisaun bolsa estudu ba veteranu nia oan ne’e bazeia ba artigu 23 estatutu kombatente nian no iha mós nia dekretu-lei implementasaun nian hateten tem ainda direito de extensão ba oan sira liuliu kona-ba bolsa estudu.

Kada munisipiu sei hetan vaga ka benefisiáriu hamutuk 100 no hosi númeru ne’e vaga 70 ba universitáriu no ensinu báziku no sekundáriu hetan de’it 10.

Tuir nia, bolsa estudu ne’e hahú iha tinan 2009 maibé la’ós ba kombatente nia oan de’it maibé uluk ne’e fó ba mártir sira-nia oan tanba bazeia ba dekretu númeru 8/2009.

Maibé, rejime atribuisaun ne’e ba mártir sira-nia oan, depois iha primeira alterasaun dekretu-lei númeru 8/2009 ba dekretu-lei númeru 4/2020 ne’e fó dalan ona no la’ós ba mártir nia oan de’it, maibé ba kombatente ne’ebé mate de’it maibé ba kombatente ne’ebé mate no moris ne’ebé simu hela pensaun kada fulan bele asesu ba vaga ne’e.

“Entaun, iha 2022 ne’e ita fó vaga 1.300 ne’ebé mak barak-liu tinan sira antes, tanba bazeia ba primeira alterasaun dekretu-lei númeru 4/2022 fó biban instituisaun atu ita hasa’e tan númeru vaga,” mia dehan.

Hosi tinan 2009 to’o tinan 2019, benefisiáriu hamutuk 2.277 kompotu hosi benefisiáriu ne’ebé eskola iha rai-li’ur 103 no seluk mesak hala’o sira-nia estudu iha universidade sira iha rai-laran de’it.

Ida-ne’e bazeia ba dekretu-lei, Artigo 6.º Regime de exclusividade ne’e iha númeru 1 hateten; Desempenho de funções a título de bolseiro é efectuado em regime de dedicação exclusiva , não sendo permitido o exercício de qualquer outra função ou actividade remu nerada, pública ou privada, salvo nos períodos correspon dentes ao das interrupções das actividades lectivas.

Iha númeru 2 haktuir; Para os efeitos previstos no número anterior, consideram se períodos de constantes do calendário escolar aprovado anualmente pelo Ministério da Educação.

Uha númeru 3 hateten, O bolseiro não pode beneficiar , no ano lectivo em causa , de qualquer outra bolsa, salvo no caso de acordo entre respectivas entidades via contacto HANSE as financiadoras.

Jornalista : Osória Marques

Editór        : Cancio Ximenes

iklan
iklan

Leave a Reply

iklan
error: Content is protected !!