iklan

COVALIMA, HEADLINE

Postu Suai implementa ona atividade haat iha suku lima

Postu Suai implementa ona atividade haat iha suku lima

Administradór Postu Administrativu Suai Vila, Luzinho do Rego. Imajen Tatoli/Celestina Teles.

COVALIMA, 18 janeiru 2024 (TATOLI) –  Administradór Postu Administrativu Suai, Luzinho do Rego, hatete, iha 2023, postu implementa ona atividade haat iha suku lima mak hanesan Suai Loro, Camnasa, Debos, Labarai no Beco.

Programa Mão de Obra ne’ebé implementa mak hanesan limpeza, kuda ai hodi prevene risku dezastre naturál, kuda ai hodi konserva bee-matan no halo lutu hodi proteje komunidade husi ameasa Lafahek.

Aleinde ne’e nia mós informa katak programa ne’ebé la konsege implementa iha postu Suai mak Uma Naroman ba Povu (UNP) ne’ebé identifika ona benefisiáriu, maibé la konsege tanba akotense mudansa polítika.

Autoridade identifika benefisiáriu ba UNP iha suku lima hamutuk -54 ne’ebé kada suku hanesan iha Beco iha benefisiáriu 15, Labarai sia, Camnasa sia, Suai Loro sia no debos 19.

Eis-xefe suku Labarai, Mouzinho Amaral, hatete, durante nia mandatu, programa ne’ebé implementa iha suku Labarai mak konstrusaun ponte iha aldeia Bonuk no daudaun atinje ona 80%.

Aleinde ne’e implementa Programa Mão de Obra Postu Administrativu hodi hala’o atividade hamoos valeta, estrada no kuda ai hodi proteje bee-matan iha foho no Programa ONG Belun hodi kuda ai parapa iha lagoa Labarai besik tasi-ibun.

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!