iklan

HEADLINE, KAPITÁL

Reseita hosi estasionamentu Dili, dadus kompletu 2023

Reseita hosi estasionamentu Dili, dadus kompletu 2023

Transporte para iha Estasionamentu iha área Banco Nasionál Ultramarinho (BNU) nia oin. Imajen Tatoli/Dok

DILI, 22 janeiru 2024 (TATOLI) – Prezidente Autoridade Munisípiu Dili, Guilermina Filomena Saldanha Ribeiro, dehan Autoridade Munisípiu Dili (ADM), iha 2023, rekolle reseita liuhosi estasionamentu ho totál $37.292,45.

“Iha 2023, ami rekola reseita husi estasionamentu iha Dili hamutuk $37.292,45, husi estasionamentu sira-ne’e bele lori retornu ba ita-nia Governu”, Guilermina Filomena Saldanha Ribeiro dehan iha nia kna’ar fatin Matadoru, ohin.

Iha fatin hanesan, Xefe Tékniku Espesializadu Estasionamentu Munisípiu Dili, Joni Carcerres, afirma taxa estasionamentu 2023 iha janeiru hamutuk $2.008,15, fevereiru $3.648,60, marsu $4.102,80, abril $2.778,65, maiu $3.311,25, juñu $2.337,35. Iha jullu AMD la rekolla reseita tanba billete ka livriñu estoke hotu. Depois kontinua iha agostu, rekolla $3.517,15, setembru $4,535,65, outubru $4.818,15, novembru $3.367,85 no dezembru $2.866,85.

Nia esplika, reseita husi fonte estasionamentu mak merkadu Taibessi, Colmera, Avenida Liberdade Imprensa, Avenida 20 Abril, Jardim 5 Maiu no Avenida 25 Maiu.

“Funsioanriu sira ne’ebé  durante halo kobransa ba iha fatin estasionamentu sira ne’ebé iha Dili  hamutuk 46 ,”nia subliña.

Aleinde reseita hosi estasionamentu, iha mós reseita ba publisidade ho totál rihun $200. Ezemplu; iha loja sira inklui Timor Telecom, tanba kada tinan sira halo extensaun ba publisidade sira entaun bele hetan reseita sira husi ne’eba.

Nia husu ba komunidade sira ne’ebé mak uza transporte katak bainhira estasiona iha fatin mak iha obrigasaun atu selu.

Estasionamentu ne’ebé aplik iha Dili bazeia ba Dekretu Lei Númeru 3/2017, 22 marsu, kona-ba zona estasionamentu ho durasaun limitada.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!