iklan

COVALIMA, HEADLINE

Suprimentu ai-moruk tipu 32 iha farmásia Saúde Covalima laiha

Suprimentu ai-moruk tipu 32 iha farmásia Saúde Covalima laiha

Diretora Servisu Saúde Munisípiu Covalima, Maria Fatima Moniz. Imajen Tatoli/Celestina Teles.

COVALIMA, 23 janeiru 2024 (TATOLI) –  Daudaun suprimentu ai-moruk tipu 32 iha farmásia Servisu Saúde munisípiu Covalima laiha, tanba ne’e atu halo atendimentu ba pasiente presiza haree ba kuantidade ai-moruk.

Diretora Servisu Saúde Covalima, Maria de Fátima Moniz, hatete ai-moruk sira ne’e stock out, tanba fatór hato’o pedidu atu sosa ne’e mak nia prosesu naruk atu distribui mai  munisípiu to’o  iha postu saúde-sira.

“Ai-moruk tipu 32 stock out ho nia porsentu 12 iha farmásia Servisu Saúde Munisípiu Covalima. Ita haree ida ne’e klásiku, maibé antes ne’e ai-moruk 28% mak laiha. Ho problema ai-moruk, pesoál sira iha sentru saúde atu halo atendimentu sei haree ba stock ai-moruk iha ho nia kuantidade hira mak uza ona”, responsavel ne’e dehan.

Ho problema falta ai-moruk, maka servisu saúde kontinua esforsu hodi submete pedidu, nune’e ai-moruk ne’ebé tama bele kompleta fali.

Farmásia Covalima iha suprimentu ai-moruk hamutuk item 262, husi númeru ne’e 32 maka stock out.

Ai-moruk tipu 32 ne’ebé mak falta hanesan aluminium hydroxide amoxilin 125 miligram, amoxilin  500Mg, amoxilin powder oral suspension, azithrom tablet, beclometasone inhalation (aerosol), benzoyl peroxide lotion, benzyl benzoate lotion, bisacodyl, clamine lation, captopril scored tablet, cefixime tryhidrate captusule, clotrymazole vazinál tableta, dexamethasone phosphate scored tablet, diazepam tablet, diaclofenak sodium injection , hydrochorothiazide tablet, hyoscine butylbromide tablet, ibuprofen syrup, meto clopramide tabet metronidazone benzoate oral.

Aleinde ne’e, multi vitamin oral, multivitamin tablet, prednisolone, prednisolone tablet, promethazine hodrokloride, salbutamol oral, salbutamol scored tablet, vitamin B1 no umbilical coord clem.

Abintante Mario da Cruz hatete nia parte ba halo tratamentu iha postu saúde no fó de’it ai-moruk musan haat no suspeta katak dalaruma suprimentu ai-moruk mak laiha, nune’e pesoál saúde sira jere ai-moruk.

“Parese stock ai-moruk mak laiha duni, nune’e sira halo jestaun para komunidade labele halo protestu”, dehan.

Nia rekomenda ba Governu atu rezolve problema hirak ne’e, tanba povu la presiza buat barak, maibé bainhira bá halo tratamentu ai-moruk ne’e tenke iha.

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!