DILI, 29 janeiru 2024 (TATOLI)—Centro Nacional Chega, Institutu Públiku (CNC, I.P), iha tinan ne’e nia laran sei harii sentru arkivu foun ne’ebé kompleta ho ninia biblioteka no auditóriu.
“Semana ne’e, ita sei asina kontratu ho kompañia manán-na’in, atu implementa projetu,” Diretór Ezekutivu CNC, I.P, Hugo Maria Fernandes, informa ba Agência Tatoli iha ninia knaar fatin, Antigu Komarka, Balide, segunda ne’e.
Notísia relevante : Estabelesimentu sentru arkivu istóriku, CNC finaliza ona pagamentu ba konsultan
Projetu sei implementa ho durasaun tempu fulan-12, hahú fevereiru tinan ne’e no sei ramata iha fevereiru tinan oin.
CNC, I.P halo kooperasaun ho Ministériu Planeamentu Investimentu Estratéjiku (MPIE) no Sekretariadu Grande Projetu atu implementa projetu sentru arkivu foun ho kustu $941.103,73.
Projetu ne’e toma konta hosi kompañia nasionál rua hanesan Nazareth Unipessoal Lda, hamutuk ho Quatro Colegas Lda, ne’ebé halo konsórsiu.
Jornalista : Arminda Fonseca
Editora : Julia Chatarina
