iklan

NASIONÁL, SAÚDE

MLTL iha profisionál saúde treinadu atende moras lepra

MLTL iha profisionál saúde treinadu atende moras lepra

Diretora Misaun Lepra Timor-Leste (MLTL), Afliana Lisnahan dos Reis. Imajen/TATOLI.

DILI, 30 janeiru 2024 (TATOLI)–Diretora Misaun Lepra Timor-Leste (MLTL), Afliana Lisnahan dos Reis, hateten iha profisionál saude hodi bele halo parseria ho Organizasaun Mundiál saude no Ministériu Saude hodi bele kombate ka prevensaun ba moras lepra iha rai-laran.

“Bazeia ba ami-nia foku no área ne’ebé ami kobre, médiku sira halo diagnostika no jestaun ba lepra. Pesoál saúde hetan formasaun hosi dermatologista sira iha Timor no parseiru hosi Nepal no nasaun sira seluk. Ministériu Saúde ho OMS iha ona planu estratéjiku ida hodi halakon moras lepra ne’ebé ami aliña hela ba, atu moras lepra iha Timor-Leste ne’e responsabilidade ema hotu nian, ida-idak kobre tuir nia área,” Diretora Afliana Lisnahan dos Reis, hateten ba Tatoli, liuhosi programa “Entrevista Eskluziva” iha estúdiu Faról, exkluzivu iha estudiu Farol, tersa ne’e.

Misaun Lepra Timor-Leste (MLTL) iha misaun no vizaun ba iha planu estratéjiku kombate lepra iha Timor-Leste maibé jere transmisaun, diskriminasaun no ema ho defisiébsia sira no reforsa rekursu umanu.

“Palnu estratéjiku misaun lepra nian mak jere ho transmisaun, diskriminasaun, ema ho defisiénsia no reforsa rekursu organizasaun. Planu estratejiku Misaun Lepra foka iha munisipiu Baucau no Mantuto, no sei foka mos ba Liquiça, Oé-Cusse, Ataúro no Bobonaro,” nia dehan.

Misaun Lepra Timor-Leste iha vizaun ida ho rekursu umanu bazeia ba planu estratéjiku ba tinan lima mai oin, mak Timor-Leste hakarak livre hosi transmisaun moras lepra.

MLTL iha rekursu umanu ne’e, ema hamtuk 30 ne’ebé kompodtu hosi médiku na’in-haat (4), enfermeira rua (2) no parteira ida hosi Universidade Nacional Timor Lorosa’e (UNTL) hodi bele halo diagnostiku, detesaun ba ema ho moras lepra no halo tratamentu.

“Ami-nia edifisiu iha Tibar-Liquiça. Ami iha Governante lokal timoroan ne’ebé lidera ami, ami iha médiku sira-ne’ebé treinadu kona-ba moras lepra ne’ebé hakarak kontinua ne’ebé fó treinamentu ba área trajetu sira-ne’ebé ami hili, endemiku moras lepra nian atu kobre. Ami kontinua halo sensibilizaun oinsá atu populasaun bele kompreende kona-ba tratamentu, sintoma no prevensaun ba iha moras lepra.

MLTL ba iha komunidade fó edukasaun no disemina informasaun kona-ba moras lepra ba universitariu sira iha área saúde públika, hodi bele tun ba iha komunidade hato’o informasaun konaba moras lepra, atu ema bele hatene konsekuénsia bainhira lahalo tratamentu.

Tuir nia, iha estimasaun ba ema-ne’ebé moras ho lepra, tanba sira-nia ne’ebé hetan lepra bele hetan depresaun tanba menus apoiu hosi família.

Alimentasaun ba ema ho lepra ne’e MLTL kontinua fó, maibé presiza dadus akuradu hodi fó apoiu, tanba saida sira lakohi hemu aimoruk ne’e presiza hatene nia kauza, hodi bele fó apoiu.

Tuir nia, moras lepra ne’e infesioza maibé ema-ne’ebé iha imunidade forte la hadaet, ida-ne’e tenek hetan tratamentu.

Nia hateten, kazu ema moras ho lepra hamutuk 58 mak iha munisipiu Baucau no Manatuto, tanba ema moras ho lepra hetan tratamentu tuir dadus 2022 nian, maibé lubuk ida mak lakohi halo tratamentu ho rutina.

Jornalista : Jesuína Xavier

Editór       : Cancio Ximenes

iklan
iklan

Leave a Reply

iklan
error: Content is protected !!