iklan

COVALIMA, HEADLINE

Motorizada 1.661 iha Covalima ho dokumentu husi Indonézia

Motorizada 1.661 iha Covalima ho dokumentu husi Indonézia

Diretór DTTK Covalima, Joaquim Gusmão. Imajen Tatoli/Celestina Teles.

COVALIMA, 30 janeiru 2024 (TATOLI) – Diresaun Transporte Terrestre no Komunikasaun (DTTK) Covalima lansa avizu iha suku sira atu halo rejistu ba motorizada ne’ebé mak nia dokumentu husi nasaun viziña Indonezia no daudaun rejista ona motorizada hamutuk 1.661.

Diretór DTTK  Covalima, Joaquim Gusmão, hatete diresaun loke oportunidade hodi halo rejistu ba sidadaun sira-nian morizada ne’ebé nia dokumentu husi Indonezia hafoin simu orientasaun husi Ministériu Transporte no Komunikasaun.

“Motór hirak ne’e la’ós laiha dokumentu, maibé la’ós mós husi Timor-Leste, husi fali nasaun viziña Indonézia. Nia prosesu sosa motór oinsá, DTTK Covalima laiha koñesimentu”, dehan.

Kritéria atu halo rejistu mak lori dokumentu sira hanesan fotokópia kartaun eleitorál no lori kualkér dokumentu husi motorizada nian hanesan STNK, kadernu mean motorizada nian no motór.

“DTTK halo de’it rejistu hafoin prosesu hotu mak sei relata ba ministériu hodi halo prosesu kontinuasaun nune’e bele hetan dokumentu”.

Prosesu rejistrasaun ba sidadaun sira-nian motorizada ne’ebé laiha dokumentu Timor-Leste hahú iha loron 13 dezembru 2023 no sei remata 31 janeiru.

Sidadaun Angelina Amaral agradese ba Governu tanba bele fó oportunidade hodi halo rejistu ba nia motorizada ne’ebé ho dokumentu husi Indonézia. “Ami-nian motorizada ne’ebé nia dokumentu husi Indonéziane’e bele halo prosesu muda ba Timor-Leste nian”, espera.

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!