iklan

POLÍTIKA

Komisaun E iha PN sei bolu MTK esplika problema internet lentu

Komisaun E iha PN sei bolu MTK esplika problema internet lentu

Ilustrasaun Servisu interkoneksaun. Imajen/Espesiál

DILI, 01 fevereiru 2024 (TATOLI)—Komisaun E trata asuntu Infraestrutura iha Parlamentu Nasionál (PN) sei bolu Ministéiru Transporte Komunikasaun (MTK) hodi bele esplika esplikasaun kona-ba problema internet lentu.

Notísia Relevante: MTK orienta ANC koordena ho operadór telekomunikasaun hadi’ak rede ínternet

“Rede telekomunikasaun ema hotu inklui membru Parlamentu hotu kestiona iha Parlamentu. Ita iha operadór telekomunikasaun tolu; Timor Telecom, Telkomsel no Telemor. Ha’u lahatene ita-nia internet ne’e lentu loos. Ami iha tempu besik sei bolu Ministru Transporte no mós Prezidente ANC sei mai, nune’e bele esplika klaru liu ba Deputadu sira, tanba saida mak ita-nia internet ne’e lentu,” Prezidente Komisaun E, Deputadu Marcos Xavier, hateten ba Ajénsia TATOLI iha uma fukum PN, kinta ne’e.

Tanba ne’e, komisaun daudaun ne’e haree hela sei hato’o pedidu ba MTK no Autoridade Nasionál Komunikasaun (ANC, siglá portugés), iha tempu badak bele mai iha PN hodi hatán preokupasaun ne’ebé iha oinsá buka solusaun ba problema rede internet ne’e.

Nia mós husu Governu atu aselera prosesu fibrá optika tanba ida-ne’e mak dalan di’ak-liu atu solusiona problema internet ne’ebé iha.

Jornalista : Nelson de Sousa

Editór        : Cancio Ximenes

 

iklan
iklan

Leave a Reply

iklan
error: Content is protected !!