iklan

DILI, POLÍTIKA

PN kria Grupu Parlamentár Amizade Timor-Leste atu halo diplomásia

PN kria Grupu Parlamentár Amizade Timor-Leste atu halo diplomásia

Prezidente Parlamentu Nasionál, Maria Fernanda Lay. Imajen Tatoli/Francisco Sony

DILI, 05 fevereiru 2024 (TATOLI)- Parlamentu Nasionál (PN), segunda ne’e, liuhosi reuniaun plenária, fó sai kompozisaun Grupu Parlamentár Amizade Timor-Leste iha lejislatura daneen ba nasaun 15, atu bele halo diplomásia parlamentár iha asuntu oioin.

Prezidente Parlamentu Nasionál, Maria Fernanda Lay, hateten faze tuir mai nia-parte fó ba atuál Vise Prezidente PN, Maria Terezinha Viegas, ajuda halo segimentu forma ona meza atu estabelese kompozisaun hanesan estrutura ba kada Grupu Parlamentár.

“Faze tuir mai, grupu ne’e tenke forma nia meza hodi bele atu kontaku hodi bele haruka ba Ministériu Negósiu Estranejiru no Kooperasaun (MNEK) no embaxada sira, tanba barak mak husu. Saida mak ita halo, ita sei diplomásia ho sira no seluk tan,” Prezidente PN ne’e hateten iha sala plenária PN.

Grupu Parlamentár Amizade Timor-Leste iha lejislatura daneen ba nasaun 15 ne’ebé kompostu hosi Austrália iha Deputadu na’in-hitu (7), Brázil iha Deputadu na’in-hitu (7), Cuba iha Deputadu na’in-lima (5), Emiradu Árabe Unidu iha Deputadu na’in-lima, Estadu Unidu Amérika iha Deputadu na’in-neen (6).

Grupu Parlamentár Amizade Timor-Leste ba Indónézia iha Deputadu na’in-ualu (8), Irlándia iha Deputadu na’in-neen (6), Japaun iha Deputadu na’in-neen (6), Malázia iha Deputadu na’in-ualu (8), Nova Zelándia iha Deputadu na’in-lima (5).

Grupu Parlamentár Amizade Timor-Leste ba Portugál iha Deputadu na’in-hitu (7), Repúblika Korea iha Deputadu na’in-hitu (7), Repúblika Populár Xina iha Deputadu na’in-lima (5), Singapura iha Deputadu na’in-ualu (8) no Tailándia iha Deputadu na’in-neen (6).

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!