iklan

POLÍTIKA

Komisaun F tau importánsia ba proteje no promove feto Timor-Leste

Komisaun F tau importánsia ba proteje no promove feto Timor-Leste

Prezidente Komisaun F Parlamentu Nasionál, Maria Gorumali Barreto. Imajen Tatoli/Francisco Sony

DILI, 07 fevereiru 2024 (TATOLI)—Komisaun F trata asuntu Saúde, Seguransa Sosiál no Igualidade iha Parlamentu Nasionál (PN), kuarta ne’e, hetan aprezentasaun hosi UN Women Timor-Leste hodi tau importánsia bapolítika nasionál proteje no promove feto iha Timor-Leste.

Notísia Relevante: Tinan 20 ukun an: Feto-labarik feto seidauk livre hosi violénsia

Prezidente Komisaun F, Deputada Maria Gorumali Barreto, hateten ohin komisaun iha brefing hosi UN Women Timor-Leste nian haree liu konvensaun eliminasaun diskriminasaun hasoru feto no mós ho polítika nasionál atu proteje no promove feto.

“Liga ho papél hosi komisaun F ninia serbisu ne’ebé iha, entaun ami presiza iha briefing ida ne’ebé mak atu haree kle’an liu ba iha konvensaun ne’e rasik. No mós haree polítika feto nasionál ninian, hodi nune’e bele ajuda mós Deputadu sira-ne’ebé mak ezerse funsaun iha komisaun F,” nia hateten iha uma fukun PN.

Nune’e, bainhira Deputadu sira iha komisaun hala’o ninia serbisu nu’udar lejisladór, no mós bainhira hala’o fiskalizasaun ba iha terrenu no mós iha desizaun polítika sira labele kontra fali konvensaun ne’e rasik ne’ebé Estadu Timor-Leste ratifika ona iha 2003.

Iha parte seluk, ho diskusaun ne’ebé kle’an ba konvensaun refere no polítika nasionál feto ne’ebé iha ona, ajuda mós Deputadu membru komisaun bainhira iha audiénsia ba iha Orsamentu Jerál Estadu (OJE), no haree mós ba iha planu asaun anuál Governu ninian no Governu konsidera polítika nasionál sira-ne’e iha programa ka lae, ida-ne’e parte ida importante ba komisaun.

Nune’e, komisaun F konvida UN Women nu’uda ajénsia Nasaun Unida ne’ebé trata asuntu feto, mai hamutuk ho komisaun hodi bele hala’o diskusaun kle’an hodi apoiu, fundamenta no reforsa tan papél nu’udar fiskalizadór, lejisladór no foti desizaun polítika iha PN.

Jornalista : Nelson de Sousa

Editór        : Cancio Ximenes  

iklan
iklan

Leave a Reply

iklan
error: Content is protected !!