iklan

DILI, POLÍTIKA

Komisaun E husu MOP rezolve traballadór Guarda Lorosa’e nia problema

Komisaun E husu MOP rezolve traballadór Guarda Lorosa’e nia problema

Deputado CNRT, Marcos Xavier. ImajenTATOLI

DILI, 12 fevereiru 2024 (TATOLI)—Prezidente Komisaun E trata asuntu Infraestrutura iha Parlamentu Nasionál (PN), Deputadu Marcos Xavier, kontinua husu ba Ministériu Obra Públika (MOP) atu rezolve traballadór Guarda Lorosa’e nia problema.

“Problema Seguransa Lorosa’e ne’ebé ninia membru kuaze ema 319 ne’ebé Governu seidauk bele rezolve sira-nia asuntu ne’e. Iha ne’e, hakarak informa de’it katak iha dokumentu ne’ebé prova kompletu ha’u distribui ona hanesan Prezidente Komisaun E fó ona ba Ministru Obra Públika atu rezolve asuntu ne’e. Maibé, to’o agora, laiha resposta,” Prezidente komisaun E ne’e hato’o liuhosi intervensaun iha reuniaun plenária PN, segunda ne’e.

Reprezentante povu iha uma fukun PN ne’e husu parte ezekutivu atu tau atensaun, tanba kazu ne’e VIII Governu Konstitusionál seidauk rezolve.

“Ha’u lahatene ema sira-ne’e timoroan ka lae. Sira-nia asuntu ne’e kle’ur ona iha VIII Governu Konstitusionál atu rezolve ona, maibé tanba mandatu ramata entaun la konsege resolve. Entaun, iha IX Governu Konstitusionál ne’e husu atu rezolve ema sira-ne’e nia problema,” nia dehan.

Deputadu hosi bankada CNRT ne’e, dehan sidadaun sira-ne’e timoroan sira hein tinan haat ona, maibé seidauk rezolve, nune’e nia fiar katak, ho Vise Ministru ba asuntu Parlamentár iha reuniaun ne’e iha semana oin bele rona ona rezultadu.

Jornalista : Nelson de Sousa

Editór       : Cancio Ximenes

 

iklan
iklan

Leave a Reply

iklan
error: Content is protected !!