iklan

EKONOMIA, HEADLINE, MANATUTO

PAM Manatuto submete ona pedidu reabilitasaun ponte Lamara ba MOP

PAM Manatuto submete ona pedidu reabilitasaun ponte Lamara ba MOP

PAM manatuto Luis Fernandes. Imajen/Hortencio Sanchez

MANATUTO, 12 fevereiru 2024 (TATOLI)- Prezidente Autoridade Munisipál (PAM) Manatuto, Luis Fernandes, informa submete ona pedidu ba Ministériu Obra Públiku (MOP), atu reabilitasaun ponte Lamara ne’ebé ligasaun Manatuto bá Natarbora tanba ho kondisaun grave.

“Ponte Lamara kondisaun grave, maibé movimentasaun komunidade nian ba mai hela, bainhira udan mota tun entaun difikulta tebes movimentasaun komunidade sira nian, ida ne’e problema sériu, nune’e ami hato’o ona proposta ba nasionál hein katak iha tempu besik iha ona solusaun,” hatete Prezidente Autoridade ne’e ba jornalista sira iha Natarbora, segunda ne’e.

Tuir nia, ponte ne’e aat durante tinan barak ona, maibé iha Governu da-ualu la konsege halo intervensaun. “Ponte ne’e a’at kle’ur ona no kondisaun hanesan ne’e fó ameasa ba ema nia vida, tanba ita liu de’it hosi mota laran,maibé espera katak Governu bele reabilita”, nia afirma.

Governu sentrál tenke tau prioridade tanba atu implementa projetu tasi mane presiza estrada ne’ebé di’ak ligasaun hosi Manatuto Villa to’o Natarbora no ligasaun ba Munisipiu viziñu Viqueque no Manufahi.

Dezenvolvimentu setór agrikultura

PAM Manatuto ne’e akresenta, Munisipiu ne’ebé nia lidera maioria populasaun moris ho vida agrikultura. Ho nune’e sei servisu maka’as halo ligasaun ho Governu sentrál liuliu Ministériu Agrikultura Floresta, Pekuáriu no Peska (MAFPP) atu tau matan ba setór agrikultura iha Manatuto.

“Iha Manatuto ne’e maioria komunidade sira moris ho vida agrikultura, irigasaun barak mak aat la funsiona, liuliu iha Natarbora ne’e, komunidade barak nia natár mak abandona, ami sei la nonok sei halo ligasaun di’ak ho Governu sentrál atu haree ba asuntu hirak ne’e, tanba ami lakohi komunidade sira atu menus ai-han,” katak.

Irigasaun barak aat iha Munisípiu Manatuto liuliu Natarbora kauza hosi inundasaun hosi 04 abríl 2021 liu ba.

Munisipiu Manatuto kompostu ho nia Postu Administrativu hamutuk neen mak hanesan, Barique, Laclo, Laleia, Laclubar, Manatuto no Soibada.

Notisia relevante:Luís Fernandes simu ona pose troka Bernardo Lopes hanesan PAM Manatuto

Jornalista: Hortencio Sanchez

Editór        : Florencio Miranda Ximenes

iklan
iklan

Leave a Reply

iklan
error: Content is protected !!