iklan

POLÍTIKA

Membru PN husu MAKLN aselera validasaun naran veteranu rejistadu 2009

Membru PN husu MAKLN aselera validasaun naran veteranu rejistadu 2009

Komunidade lokál no veteranu sira partisipa iha komemorasaun restaurasaun independénsia ba da-XX, iha suku Afaloikai, sesta (20/05). Imajen Tatoli/Vitorino Lopes da Costa'

DILI, 15 fevereiru 2024 (TATOLI)—Membru Parlamentu Nasionál (PN) liuhosi Deputadu Fretilin, Antoninho Doutel Sarmento ho Deputada CNRT, Aliança da Conceição, husu Ministériu Aasuntu Kombatente Libertasaun Nasionál (MAKLN) atu aselera prosesu validasaun naran kombatente no veteranu rejistadu 2009.

Notísia Relevante: Governu sei finaliza validasaun dadus veteranu rejistadu 2009 iha tinan ne’e

Deputadu Fretilin, Antoninho Doutel Sarmento, hateten asuntu sira kombatente ninian ne’e, timoroan sira-ne’ebé fó vida ba luta naruk ida hodi define tiha independénsia país ne’e ho sira-nia sakrifísiu tanba barak mak mate ona no balun sei moris.

Deputadu Fretilin, AntoninHo Doutel Sarmento. Imajen Tatoli/Nelson de Sousa.

“Tanba ne’e, iha verifikasaun dadus ba kombatente sira-ne’ebé mak rejistu iha segundu faze tinan 2009 ninian ne’e, iha dezde Governu anteriór esforsu makaas hodi hakarak konklui ona dadus veteranu rejistadu 2009 nian. Oinsá ita-nia kombatente sira iha ona espasu sira-nia direitu. Tanba Governu anteriór la konsege ida-ne’e mai fali IX Governu, ita dejezu katak hakaas aan ba kombatente sira-ne’ebé verifikadu hotu ona, hein oinsá mak sira válida hodi oinsá kombatente sira merese iha direitu ne’ebé Estadu konsidera ona,” Membru PN ne’e hateten iha uma fukun PN, kinta ne’e.

Membru hosi órgaun lejislativu ne’e hateten, tanba asuntu kombatente ne’e kuaze ema sira iha baze ne’e ezije makaas.

Kombatente no veteranu balun ho idade ona no balun ho kondisaun moras, entaun presiza MAKLN aselera prosesu validasaun hodi valida ona naran hirak ne’e, hodi sira iha direitu ba pensaun ne’ebé mak Estadu fó.

Deputada CNRT, Aliança da Conceição, mós husu MAKLN presiza aselera prosesu validasaun tanba kombatente sira balun idade ona, balun moras ne’ebé hanoin presiza aselera valida hodi sira bele hetan ona sira-nia direitu.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!