iklan

NASIONÁL, HEADLINE, KAPITÁL

Governu prepara lejizlasaun regula lisensiamentu konstrusaun no utilizasaun edifísiu

Governu prepara lejizlasaun regula lisensiamentu konstrusaun no utilizasaun edifísiu

Primeiru-Ministru, Kay Rala Xanana Gusmão, prezide reuniaun Konsellu Ministru, iha Palásiu Governu, kuarta (21/02/2024). Imajen Tatoli/Francisco Sony

DILI, 21 fevereiru 2024 (TATOLI)Ministru Obra Públika, Samuel Marçal, aprezenta projetu proposta lei kona-ba medida atu proteje legalidade urbanístika, iha ámbitu reuniaun Konsellu Ministru, kuarta ne’e.

“Projetu proposta lei ne’e hetan ona aprovasaun.  Nune’e, ho vigora rejime jurídiku ba edifikasaun no urbanizasaun, regula lisensiamentu ba konstrusaun no utilizasaun ba edifísiu sira, Governu presiza atu fó ferramenta legál ho loloos hodi bele garante aplikasaun rejime ida ne’e,” refere nota ne’ebé Agência Tatoli asesu hafoin reuniaun ezekutivu, iha Palásiu Governu.

Notísia relevante : Revitalizasaun Aitarak-laran no planu urbanu iha faze estudu viabilidade

Inisiativa ne’e mai ho objetivu atu estabelese medida atu proteje legalidade urbanístika, regula aktu administrativu nesesáriu ne’ebé garante hodi kumpre lejizlasaun kona-ba lisensiamentu operasaun urbanístika no edifikasaun, nune’e mós hodi kumpre instrumentu jestaun territoriál.

Liuhosi proposta lei ida-ne’e sei aplika medida lima atu proteje legalidade urbanístika embargu, demolisaun (sobu) obra, despezu administrativu, sesasaun ba uzu no prosedimentu legalizasaun ne’ebé sei permite Governu atu atua no hadi’a legalidade urbanístika, no konsidera grau gravidade ilísitu urbanístiku no obra ne’e bele legaliza ka labele.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!