iklan

JUSTISA, DILI, HEADLINE

Xefe Estadu husu Grupu Traballu halais servisu ba reforma justisa

Xefe Estadu husu Grupu Traballu halais servisu ba reforma justisa

Prezidente J. Ramos-Horta, hala'o enkontru ho Koordenadora ba Grupu Traballu Reforma Justica,Lúcia Lobato grupu traballu ba reforma setór justisa. iha Palásiu Prezidensiál, Bairru-Pité, kuarta (21/02). Imajen Tatoli/Egas Cristóvão

DILI, 21 fevereiru 2024 (TATOLI)- Kordenadora ba Grupu Traballu ba Reforma Justisa no halo Revizaun ba Planu Estratejiku Dezenvolvimentu (PED) 2011-2030, Lucia Lobato ho ekipa kompostu hosi Eis Prezidente Tribunál Rekursu, Claudio Ximenes no pesoál espesiál husi UNDP hasoru malu ho Xefe Estadu, José Ramos Horta, hodi relata progresu servisu no husu hanoin ba reforma justisa iha Timor-Leste.

“Ha’u ho ekipa mai hasoru malu ho Prezidente Repúblika hodi husu no rona hanoin balun hosi Prezidente Repúblika no kona-bá oinsá servisu reforma justisa no informa servisu ne’ebé ami hala’o ona,” Lucia Lobato katak ba jornalista sira iha Palásiu Prezidensiál Dili, kuarta ne’e.

Koordenadora ba Grupu Traballu Reforma Justica,Lúcia Lobato. Imajen Tatoli/Egas Cristóvão

Xefe Estadu mos husu ba Grupu Traballu atu halo servisu másimu liu no lais atu hatur justisa ne’ebé di’ak ba ema hotu.

“Prezidente husu ami atu servisu lais liu tanba Estadu hotu presiza halibur forsa hodi hadi’a setór justisa, nune’e bele fó kondisaun hotu ba Tribunál sira atu hala’o servisu ne’ebé di’ak hodi trata ema hotu hanesan,” nia afirma.

Daudaun ne’e, grupu traballu ne’e halo servisu másimu hela, nune’e iha marsu sei aprezenta fila fali rezultadu servisu ba Prezidente Repúblika.

Grupu Traballu mós halo ona vizita ba Tribunál sira, Prokuradór sira, defensória públiku sira atu ko’alia no  fó hanoin hamutuk hodi bele tulun malu hodi halo servisu ba oin.

Iha agostu 2023, IX Governu Konstituisionál nomea Grupu Traballu no hahú servisu iha Setembru, nune’e iha fulan tolu nia laran ekipa ko’alia ho parseiru sira no UNDP mak halo rekrutamentu bá pessoál hirak ne’ebé mai apoia grupu traballu ne’e.

Jornalista: Hortencio Sanchez

Editór     : Florencio Miranda Ximenes

iklan
iklan

Leave a Reply

iklan
error: Content is protected !!