iklan

EKONOMIA, COVALIMA

Floresta Covalima rejista makina tesi ai hosi komunidade hamutuk 100

Floresta Covalima rejista makina tesi ai hosi komunidade hamutuk 100

Xefe Departamentu Reprezentasaun Territóriál Floresta, Planta no Indústria, Domingos Gusmão. Imajen/Celestina Teles.

COVALIMA, 24 fevereiru 2024 (TATOLI)–Xefe Departamentu Reflorestasaun, Territóriál Floresta no Planta Indústria Covalima, Domingos Gusmão, hateten daudaun ne’e floresta Covalima rejista makina tesi ai (sensor) 100, hodi bele fasil atu kontrola sidadaun sira-ne’ebé mak halo atividade tesi-ai iha Covalima.

“Sidadaun sira-ne’ebé mak iha mákina tesi ai tenke halo rejistu iha floresta Covalima, ne’ebé dadaun ne’e rejista mákina tesi ai hamutuk 100 hodi autoriza sidadaun sira halo atividade tesi ai,” Xefe Departamentu Reflorestasaun, Territóriál Floresta no Planta Indústria Covalima, Domingos Gusmão, hateten ba jornalista sira, sábadu ne’e.

Kritériu atu rejista mákina tesi ai mak hanesan tenke hatene sosa mákina iha ne’ebé, sosa mákina iha tinan saida, kór saida, foto kopia kartaun eleitorál, hafoin sidadaun-sira prienxe formuláriu nune’e bele fó lisensa ho nia durasaun tinan rua (2).

“Durante sira rejista iha floresta kada mákina tesi ai selu $5, hafoin ita submete ba Dirasaun Jerál Floresta Nasionál tanba iha formuláriu,” nia dehan.

Maske sidadaun-sira rejista ona sira-nia mákina tesi ai, maibé bainhira sira atu tesi ai nafatin hato’o pedidu hanesan lisensa negósiu no lisensa sosiál ba iha floresta Covalima, hafoin mak guarda floresta identifika ai, nune’e sidadaun sira bele tesi ai refere.

Makína tesi ai 100 ne’e mai husi postu administrativu sira hanesan postu Suai hamutuk 28, Fatumea iha lima (5), Tilomar 24, Fohorem 10, Maucatar iha sia (9), Fatululik iha rua (2)  no Zumalai hamutuk 22.

Jornalista : Celestina Teles

Editór       : Cancio Ximeens

iklan
iklan

Leave a Reply

iklan
error: Content is protected !!