iklan

NASIONÁL, HEADLINE, POLÍTIKA

Embaixadora Caitlin atualiza vizita PM Xanana bá Austrália

Embaixadora Caitlin atualiza vizita PM Xanana bá Austrália

Embaixadora Austrália iha Timor-Leste, Caitlin Wilson. Imajen Tatoli/Francisco Sony.

DILI, 26 fevereiru 2024 (TATOLI)–Embaixadora Austrália iha Timor-Leste, Caitlin Wilson, segunda ne’e, atualiza vizita Primeiru-Ministru (PM), Kay Rala Xanana Gusmão, bá Austália.

Xefe Governu sei partisipa simeira Asosiasaun Nasaun Sudeste Aziátiku (ASEAN, sigla inglés), iha Melbourne-Austrália, durante loron-tolu (4-6 marsu 2024).

“Mai hasoru Primeiru-Ministru, Kay Rala Xanana Gusmão hodi atualiza preparasaun ba semeira ASEAN Austrália nian ne’ebé sei hala’o iha semana-oin durante loron-tolu,” Caitlin Wilson, hateten, hafoin hasoru PM Xanana, iha Palásiu Governu.

Notiia relevante : SEFOPE halo abertura teste eskrita ba kandidatu traballadór Austrália 992

Embaixadora dehan, Austrália apresia bele konvida Timor-Leste no nasaun membru ASEAN hodi partisipa iha atividade internasionál ne’e.

“Simeira ne’e sei ko’alia kona-ba futuru rejiaun sudeste Aziátiku iha pás no prósperu,” nia akresenta.

Caitlin Wilson espresa katak Austrália kontente tebes hodi fó bem-vindu ba Xanana Gusmão nu’udar Primeiru-Ministru hala’o vizita dahuluk bá Austrália, iha ámbitu atividade internasionál.

Tuir ajenda Xefe Governu ho ekipa sei desloka hosi Timor iha loron 02 marsu no sei filafali iha loron 07 marsu.

Antes ne’e, Xefe Ezekutivu bainhira asume hikas knaar nu’udar Primeiru-Ministru, partisipa ona iha semináriu nível a’as ASEAN, iha Indonézia no Japaun.

Jornalista     : Antónia Gusmão

Editora         : Julia Chatarina

iklan
iklan

Leave a Reply

iklan
error: Content is protected !!