iklan

AINARO, MUNISÍPIU, SAÚDE

Kombate lumbringa: Servisu Saúde Ainaro distribui aimoruk albendazole ba eskola 13

Kombate lumbringa: Servisu Saúde Ainaro distribui aimoruk albendazole ba eskola 13

Governu Timor-Leste servisu hamotuk ho Parseiru Internasional sira entrega pakote ai-han ba estudante sira iha ambitu lansamentu ba projetu Say No To 5S. Iha salaun City 8, tersa (08/03). Imajen Tatoli/Francisco Sony

DILI, 15 marsu 2024 (TATOLI)–Diretór Servisu Saúde munisípiu Ainaru, Bendito de Araújo, hateten Servisu Saúde Ainaro, kinta (14 marsu) ne’e, distribui aimoruk albendazole ba estudante 19.565 iha eskola 13 iha Ainaro, atu hemu aimoruk refere hodi kombate lumbringa iha Timor-Leste.

Notísia Relevante: MS-parseiru lansa projetu “dehan lae ba 5S” hadi’ak saúde no nutrisaun ba labarik

Bendito de Araújo hateten, planu nasionál Ministériu Saúde nian ne’e propoen pelu menus 75% korresponde estudante 14.000 iha Servisu Saúde Munisípiu Ainaro.

“Maibé ita iha kompromisu ho Ministériu Saúde atu atinje 100% ba fahe albendozole ka kombate ba lumbringa atu estudante sira hemu. Ami iha estudantes hamutuk 19.565 ne’ebé sei hemu aimoruk refere,” Diretór Bendito Araújo hateten ba Agencia Tatoli, liuhosi telefonika.

Estudante sira-ne’ebé hemu aimoruk Albendazole hosi idade tinan neen (6) to’o 14 ka hosi primeiru ano to’o nonu anu, tanba distribuisaun ba aimoruk Albendazole ba kombate hahú horisehik nia distribuisaun aimoruk lumbringa ba estudante sira.

Eskola 15 iha Ainaro ne’e mak hanesan EBF 3° Venâncio Feraz, EBC 1°2°3°4° Montanhas Ceulau, EBF 1°2° Sao Paulo Ainaro, EBF 1°2° Sorolau, EBF 1°2°3° Aimerleu, EBF Paralelo 1°2° Raibere, EBF 1°2° Boné, EBF 1°2° Leolima, EBC 1°2°3° 20 de Agosto Dare Boetua, EBC 1°2°3° Sagrado Coração de Jesus Aitutu, EBC 1°2°3° Maubisse Vila, EBF 1°2° Santoro no EBF 1°2° Saralala Balibo.

Programa kombate lumbriga ne’e, hahú tiha ona iha 2015 to’o ohin loron, no ida-ne’e ba terseira terseira faze.

Parseiru sira-ne’ebé mak fó apoiu ba programa ne’e mak hanesan Organizasaun Saúde Mundiál (OMS), Fundu Dezenvolvimentu Nasaun Unida ba Labarik (UNICEF, sigla inglés) no Ajensia Internasionál Koperasaun hosi Korea Súl (KOICA, sigla inglés) no Ministériu Saúde mak implmenta.

Programa inklui ba iha Pakote Kuidadu Saúde Primaria nakait ho Projetu Dehan Lae ba 5S signifika kona-ba Hamlaha, Lumbriga ne’ebé da’et hosi rai, Moras kulit, Fuma, no Bebidas midar/alkóliku iha Timor-Leste.

Projetu ne’e hetan finansiamentu hosi KOICA ho montante hamutuk millaun $7.8.

Jornalista : Jesuína Xavier

Editór       : Cancio Ximenes

iklan
iklan

Leave a Reply

iklan
error: Content is protected !!