iklan

COVALIMA, HEADLINE

CNA loke konkursu públiku ba konstrusaun ponte Mali-Loek

CNA loke konkursu públiku ba konstrusaun ponte Mali-Loek

Pinte Mali-Loek.

COVALIMA, 18 marsu 2024 (TATOLI) – Komisaun Nasionál Aprovizionamentu (CNA, sigla portugés) husi Ministériu Planeamentu Investimentu Estratéjiku (MPIE) reprezenta husi Ministériu Obra Públika (MOP) loke ona konkursu públiku hodi konvida empreza sira atu submete sira-nian dokumentu ba konstrusaun ponte Mali-Loek ne’ebé lokaliza entre aldeia Sanfuk, suku Camnasa no aldeia Dais, suku Belekasak, iha Covalima.

Diretór Munisipál Obra Públika, Sidónio Gusmão, informa katak konstrusaun ponte Mali-Loek tama iha kategoria konstrusaun foun ne’ebé ho nia orsamentu másimu millaun $1,2 husi Orsamentu Jerál Estadu 2024.

“Ha’u hanoin públiku mós asesu hela prosesu loke konkursu públiku ba kompañia sira atu submete sira-nian dokumentu hodi halo konstrusaun foun ponte Mali-Loek ne’ebé difikulta movimentu transporte públiku”, Sidónio Gusmão hatete iha Santa Rosa, ohin.

Prosesu loke konkursu públiku ne’e empreza sira submete direta dokumentu ba CNA iha nasionál hodi halo atendementu ba sira hafoin sira bele fó sai nia rezultadu.

“CNA loke ona konkursu sifignifika nia prosesu dezeñu no BoQ preparadu ona, tanba durante ne’e tékniku sira husi nasionál mak halo levantamentu dadus no ohin loron to’o ona faze iha loke konkursu públiku no  bainhira mak atu hahú halo konstrusaun foun seidauk bele hatene”, nia salienta.

Abitante Júlio Cardoso agradese ba Governu tanba loke ona konkursu públiku atu halo konstrusaun ponte Mali-Loek hodi fasilita movimentu transporte públiku. “Ponte Mali-Loek halo de’it ho ai dezde tempu okupasaun Indonézia no foin mak loke konkursu públiku atu halo konstrusaun foun”, nia relembra.

Xefe-Suku Lour, Marinho Júlio Barreto, reforsa katak foin iha tinan 2024 ne’e mak bele halo konstrusaun foun ba ponte Mali-Loek, tanba durante ne’e iha tempu udan difikulta movimentu transporte, tanba halo ho ai nune’e hodi fó ameasa ba ema nia vida.

Notísia relevante: Covalima oan tenke iha inisiativa hadi’a ponte Mali-Loek

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!