DILI, 19 marsu 2024 (TATOLI)–Arsebispu Arkidioseze Metropolitana Dili, Dom Vírgilio Kardeal Do Carmo da Silva, SDB, tersa ne’e, preside misa solenidade ba São José no selebrasaun loron aniversáriu ordenasaun episkopál Dom Virgílio Kardeál do Carmo da Silva nian ne’e, hodi fó ordenasaun diakonál ba frater na’in-hitu (7).
Frater na´in hitu (7) ne’ebé ordenasaun diakonál ne’e mak hanesan Fr. Boaventura A. Belo Magno, Fr. Joanico Adelaide Ximenes Almeida, José da Silva dos Santos, Fr. José de Araújo da Costa, Frei Manuel dos Santos Quintão OFM, Cap, Fr. Marito Mendonça de Araújo no Fr. Mateus de Jesus Castro.
Dom Vírgilio Kardeál do Carmos da Silva husu diákonu sira atu banati tuir ezemplu no virtude São José hodi sai bibi atan no fiar-nain, modelu kastidade, obedese no laran diak, prudente iha situasaun defisil, tanba diákonu ne’e signifika servidór.
“Imi na’in-ualu tenke laran midar ba Maromak, haboot imi-nia obediensia no kastidade ba Maromak, hanesan São Jose prudente ba Maromak hasoru situasaun oioin,” Dom Vírgilio Kardeal Do Carmo da Silva, SDB, hateten iha omilia iha misa Solene, iha Balide.
Sai bibi atan kreda nian tuir fiar evanjellu hodi haklaken Maromak nia liafuan ba ema hotu. Nuudar diákonu hanesan ema sira dignu katak ema neebe respeita no nia hahalok inspira ema hodi moris tuir Jesus no rai misteriu fiar nian.
Nune’e mós, Dom Virgílio Kardeal mós hato’o agradesimentu ba nia perkursu tinan ualu (8) ba nia misaun episkopál tuir ezemplu São José iha nia moris.
Reprezentante diákonu na’in-hitu (7), Diákonu Joanico Adelaide Ximenes Almeida, hato’o agradesimentu ba manorin no familia sira hotu no ema sira-ne’ebé kontribui ba iha sira-nia perkursu moris to’o simu ordenasaun diakonál.
“Ami agradese ba sira ne’ebé sai doadór ba ami, ba imi domin no sakrifisu ami hato’o obrigadu ua’in. Imi-nia kolen, ami labele selu, maibé ami hasa’e iha orasaun loro-loron atu Maromak fó rekompensa imi no hakonu imi ho grasa,” nia hateten.
Nia mós husu deskulpa ba sarani sira ba naksalak lorloron hasoru sarani, familia no sosiedade no husu mós sarani sira atu kontinua reza ba sira.
Biodata
- Diákonu Boaventura A. Belo Magno, moris iha Ainaro, 19 novembru 1994. Oan hosi Cesário Magno Sarmento no Xelestina Belo Magno. Nia hanesan oan ikun hosi maun alin hamtuk na’in- ualu (8).
Nia halo estudu no formasaun hahu hosi tinan 2000 iha eskola primaria no presekundaria iha Ainaro. Tama iha semináriu iha loron 5 outubru ba semináriu menór Nossa Senhora do Rosário de Fátima, Balide, Dili, to’o 2011.
Iha 2012 to’o 2013 kontinua estudu ba formasaun iha semináriu Ano Propedeutiku iha Maloa no kontinua iha formasaun ikus teolojia no filozofia.
2.) Diákonu Joanico Adelaide Ximenes Almeida, moris iha Dili, 20 jullu 1988. Oan hosi kazal Tomás Adelaide Pereira no Lorença Correira Ximenes. Nia oan dahuluk hosi maun alin hamutuk ualu (8).
Nia hahú tama eskola iha eskola primaria Bemori no tama ba seminariu menór Nossa Senhora do Rosário de Fátima (SENOFA), Balide, Dili, entre 2009 to’o 2011.
Iha 2015 no 2018, nia halaó estudu Teolojia iha Institutu Superior no Filizofia e de Teolojia Dom Jaime Garcia Goulart, fatumeta, Dili.
3.) Diákonu José da Silva dos Santos, moris iha Lete-Foho iha loron 22 jullu 1991. Oan hosi Afonso da Silva no Lúcia de Carvalho. Nia hanesan oan ikun hosi maun-alin hamutuk sia (9).
Nia hahú nia estudu iha eskola SDN 54 Hatuhei no tama ba semináriu menór Nossa Senhora do Rosário de Fátima (SENOFA), Balide, Dili.
Nia hala’o estudu iha área teolojia iha Institutu Superior no Filizofia e de Teolojia Dom Jaime Garcia Goulart, Fatumeta, Dili.
4.) Diákonu José de Araújo da Costa, moris iha Maubisse, iha loron 5 setembru 1990. Oan hosi Adelino da Costa Silva no Adelina de Araújo. Nia hanesan oan daruak hosi maun-alin hamutuk 14.
Nia hahú eskola primaria Fatumeta Dili iha 2000 no 2004 no iha 2008 to’o 2011 eskola iha Eskola Ensinu Sekundaria seminariu menór de Nossa Senhora de Fátima, Balide.
Iha 2019 to’o 2022, nia hala’o nia estudu iha área teolojia iha Institutu Superiór no Filizofia e de Teolojia Dom Jaime Garcia Goulart, Fatumeta, Dili.
5.) Frei Manuel dos Santos Quintão OFM, Cap, moris iha Letefoho-Ermera iha loron 19 dezembru 1987. Oan hosi Luís Quintão no Isabel dos Santos. Nia oan ikun hosi maun-alin na’in-ualu (8).
Nia hahú eskola primária iha tinan 1994 to’o 2001 iha eskola Raimori Letefoho no estuda iha eskola sekundaria Katólika São Pedro Comoro no finaliza iha eskola Sekundaria Publika Same iha tinan 2006 no 2007.
Nia hala’o nia estudu teolojia no filozofia iha Institutu Superior no Filizofia e de Teolojia Dom Jaime Garcia Goulart, Fatumeta, Dili entre 2013 no 2020.
6.) Diákonu Marito Mendonça de Araújo, moris iha Manetu Rusulau iha loron 20 novembru 1988. Oan hosi Felisberto Araújo da Silva no Aulrelia Pereira de Jesus.Nia oOan daruak hosi maun-alin hamutuk 13.
Nia hahú eskola iha eskola primaria 4 Manetu iha tinan 1999 to’o 2001 no termina nia estudu iha eskola Secundária Católica Nossa Senhora de Fátima Turiscai hodi kontinua iha eskola iha Marista Baucau.
Nia hala’o nia estudu teolojia iha Institutu Superior no Filizofia e de Teolojia Dom Jaime Garcia Goulart, Fatumeta, Dili.
7.) Diákonu Mateus de Jesus Castro, moris iha loron 12 setembru 1990, Oan hosi José Soares no Julita de Jesus. Nia oan dalimak hosi maun-alin 11.
Nia hahú nia estudu iha eskola prrimaria iha Sekolah Dasar Biluli no eskola sekundaria 10 de Abril 1999 Gleno-Ermera. Nia estudu final 2019 no 2022 mak iha área teolojia Institutu Superior no Filizofia e de Teolojia Dom Jaime Garcia Goulart, Fatumeta, Dili.
Jornalista : Jesuína Xavier
Editór : Cancio Ximenes