iklan

NASIONÁL, SAÚDE

Governu TL-Austrália asina akordu reforsa kapasitasaun profisionál saúde

Governu TL-Austrália asina akordu reforsa kapasitasaun profisionál saúde

Ministériu Saúde liuhosi Vise-Ministru ba Fortalesimentu Institusional Jose dos Reis Magno selebra assina Memorandum of Understanding (MoU) ho Fundasaun Klibur Domin. no assina MoU ho UNTL, INSP-TL no mós HNGV iha Salaun Enkontru Palácio das Cinzas, Caicoli, Dili. tersa 26 marsu 2024.Foto Tatoli/Antonio Daciparu.

DILI, 26 de marsu 2025 (TATOLI)–Governu liuhusi Ministériu Saúde hamutuk ho Insititu Nasionál Saúde Públika Timor-Leste (INSP-TL) no reprezentante Department of Foreign Affairs and Trade (DFAT) asina akordu ida atu reforsa kapasitasaun kualidade profisionál saúde ba pesoál saúde hamutuk 25.

Akordu ne´e asina hosi Vise-Ministru Fortalesimentu Instituisiional Saúde, José dos Reis Magno, Prezidente Insititu Nasionál Saúde Públika Timor-Leste (INSP-TL). Merita Monteiro, Diretora Hospital Nasionál Guidu Valadares (HNGV), Cecelia Barros, no reprezentante Department of Foreign Affairs and Trade (DFAT), Deidre Ballinger.

“Programa ida-ne’e importante tebes, tanba ita-nia médiku sira iha área kuidadu primária ka saúde públika iha sentru no postu saúde durante tinan rua. Profisional saúde sira hamutuk 25. Programa ne’e apoiu husi Governu Austrália DFAT,” Vise-Ministru, José dos Reis Magno, hateten ba jornalista sira iha Palácio das Cinzas, Caicoli, tersa ne´e.

Profisionál saúde sira kompostu husi munisipiu Dili, Ermera no Rejiaun Administrativa Espesiál Oé-Cusse (RAEOA) maibé sei expande ba iha munisipiu sira seluk.

Programa ne’e pertinente no sei hala’o iha Universidade Nacional Timor Lorosa’e ba profionál saúde sira pos-graduasaun.

Prezidente Insititu Nasionál Saúde Públika Timor-Leste (INSP-TL). Merita Monteiro, hateten maske Timor-Leste iha profisionál saúde barak, maibé ema kontinua hakilar ba iha prestasaun servisu, tan ne’e iha kolaborasaun ne’e bele garante kualidade formasaun ba pesoál saúde sira.

“Formasaun tinan rua atu sira presta servisu ida di’ak liu ba iha liuliu iha kuidadu saúde primaria. Nune’e, sira bele ajuda redús númeru kazu sira-ne’ebé la nesesáriu halo transferénsia mai iha nasionál,” nia dehan.

Nia garante, INSP-TL hakarak ajuda profionál saúde sira atu halo peskiza, formasaun no vijilánsia ba moras sei kolabora ho instituisaun hotu atu asegura formasaun hodi bele atinje meta kona-ba formasaun médiku kualifikadu.

Reprezentante DFAT iha Timor-Leste, Deidre Ballinger, hateten Governu Austrália iha kompromisu atu rona no komprende Timor-Leste hodi fornese apoiu atu hadi’a kuidadu saúde primaria.

“Ami mos komprende importánsia hosi forsa traballu no kapasidade mediku Timor-Leste ne’ebé iha hodi responde ba komunidade nia nesesidade. Programa mediku familiár nu’udar komponenete ida importante ida hosi investimentu Governu Austrália nian ba kuidadu saúde komuniade iha baze,” nia hateten.

Nia hateten, Timor-Leste presiza rekursu umanu formadu iha área espesialidade hodi bele redús kustu ba transferénsia.

Jornalista : Jesuína Xavier

Editór          : Cancio Ximenes

iklan
iklan

Leave a Reply

iklan
error: Content is protected !!