iklan

EDUKASAUN, MUNISÍPIU, SEGURANSA, VIQUEQUE

F-FDTL apoia materiál didátika ba eskola EBC 01 no EBF Uaimori

F-FDTL apoia materiál didátika  ba eskola EBC 01 no EBF Uaimori

F-FDTL apoia materiál didátiku ba eskola rua iha Viqueque. Imajén Tatoli/Vitorino Lopes da Costa

VIQUEQUE, 27 marsu 2024 (TATOLI)-FALINTIL-Forsa Defeza Timor Leste (F-FDTL), kuarta ne’e, apoia matéria dedatiku no ekipamentu desportu ba Eskola Ensinu Baziku Centrál 01 Viqueque no Eskola Ensinu Baziku Filiál (EBF) Uaimori iha Munisípiu Viqueque.Hafoin entrega matéria no ekipamentu referidu, Tenente Koronél, Valero Valente, enkoraja estudante Viqueque-oan sira aproveita tempu hodi estuda no fó ulun ka resepita manorin sira.

“Estudante sira tenke hanoin maka estuda no fó ulun hodi aprende no aprende, atu hatene buat ruma ne’ebé  di’ak ba aan rasik iha futuru. Tanba ita-nia apa veteranu sira terus no mate hodi rai ne’e ukun aan. Agora ukun aan ona imi tenke aproveita”, Tenente Koronél  Valero Valente, hateten iha serimónia distribui  ne’e.

Tenente Koronél ne’e mós husu ba estudante sira atu foku ba eskola no estuda hodi sai matenek hodi hatutan nasaun ne’e ba oin.

“Ha’u husu ba estudante sira labele envolve an iha grupu arte marsiál sira, maibé envolve iha grupu desportiva no kontinua estuda hodi sai matenek”, nia enkoraja.

“Tanba  ne’e,  maka ami lori materiál desportu hanesan bola, livru ba estudante sira uza hodi aprende no hadi’a taletu desportu no atu  lori munisípiu Viqueque ba promove iha  nasionál”.

Iha fatin hanesan, Diretór EBC 01 Viqueque, Domingos Dos Reis, agradese F-FDTL ne’ebé hili EBC 01 Viqueque no ninia filiál EBF Uaimori hodi fó apoia materiál didatiku no desportu  hodi uza ba atividade eskolár nian.

“Ami sente kontente no husu agradese ba instituisaun F-FDTL  ho apoia materiál sira-ne’e ba oin profesór sira uza hodi hanorin ita-nia estudante sira no promove talentu estudante sira. Ami la haree ba kuantidade, maibé ho apoia sira-ne’e reforsa atividade eskolár”, katak.

Entretantu, iha serimónia distribuisaun materiál didatiku no desportu ne’e hetan mós partisipasaun hosi Prezidente Autoridade Munisìpiu (PAM) Viqueque, Francisco Cruz Simões de Gonzaga, Diretór Servisu Edukasuan Viqueque, Autoridade lokál,  profesor hosi eskola rua no estudante sira.

Notísia relevante: Xefe Estadu Maiór Jenerál F-FDTL apoia matérial didátika ba eskola haat iha Oé-Cusse

Jornalista : Vitorino Lopes da Costa

Editór       : Florencio Miranda Ximenes

iklan
iklan

Leave a Reply

iklan
error: Content is protected !!