DILI, 11 abríl 2024 (TATOLI) – Ró auto-defeza Japaun nian ho naran “MURASAME”, Sesta-Feira, aban, mai vizita Timor-Leste atu hametin amizade di’ak entre FALINTIL-Forsa Defeza Timor-Leste (F-FDTL) no forsa defeza Japaun nian.
“Objetivu hosi vizita ida ne’e nu’udar parte ida hosi kruzeiru treinamentu exterior hosi forsa auto-defeza marítima Japaun nian hodi promove amizade no vontade di’ak entre Japaun no Timor-Leste,” refere nota ne’ebé Agência TATOLI asesu hosi mídia Embaixada Japaun iha Timor-Leste, kinta ne’e.
Ró marítima ne’e sei atrraka iha portuDili durante loron tolu hahú 12 to’o 14 abríl tinan ne’e ho ativiade importante rua hanesan eventu ka formasaun iha ró laran komesa iha sesta-Feira, lokoraik to’o Sábadu (13/04),dadeer.
Alende ne’e, halo mós interkámbiu desportu entre kadete Japaun no membru F-FDTL sira iha sesta lorokraik tuku 15:00 iha Kampu Futeból FFTL ne’ebé sei hala’o jogu amizade entre forsa Timor-Leste no Japaun no iha mós atividade seluk iha ró laran ne’ebé seidauk fó sai klaru.
Ró Murasame hanesan klasse kontratorpedeiru Shiratsuyu ne’ebé dahuluk konstruídu iha 1934, no lansa tinan ida depois komissionadu iha 1937. Ró referidu hanesan naviu sira ba programa “Círculo Um”.
Jornalista: Hortencio Sanchez
Editór: Florencio Miranda Ximenes
