iklan

EDUKASAUN

FDCH aloka $824 ba formasaun dalen Korea kada tinan

FDCH aloka $824 ba formasaun dalen Korea kada tinan

Diretór Ezekutivu FDCH, Júlio Aparício. Imajen Tatoli/Francisco Sony

DILI, 26 abríl 2024 (TATOLI)—Diretór Ezekutivu Fundu Dezenvolvimentu Kapitál Umanu (FDCH, sigla portugés), Júlio Aparício, hatete kada tinan FDCH aloka osan $824 ba estudante 2.000 ne’ebé tuir formasaun lian Korea.

Notísia Relevante: CKS dezenvolve kooperasaun TL-Korea liuhosi formasaun lian korea

“Ami aloka rihun $824 ba ema rihun rua kada tinan. Maibé tuir relatóriu ne’ebé Korean Study Language Programe (KSLP), hatudu formadór hanorin estudante liu rihun rua,” nia hateten ba Agência Tatoli iha nia kna’ar fatin Colmera, sesta ne’e.

Orsamentu ne´e, nia dehan, kada ema ida gasta osan $412 hodi selu profesór atu hanorin estudante sira.

“Ha’u halo ona enkontru Korean Study Language Programe (KSLP) ne’ebé fó formasaun lian Korea, foin daudaun ne’e hakaas Diresaun Nasionál Planu, Peskiza, Monitorizasaun no Fiskalizasaun, loro-loron ba haree. Ha’u seidauk hasoru sira maibé ha’u dehan ita-boot sira-ne’ebé rejistu ona, ema ida estadu gasta $412, hodi selu profesór ne’ebé fó formasaun ba sira,” nia hateten.

Tanba ne’e, nia dehan, parte FDCH tenke kontrolu didi’ak tanba iha estudante ne’ebé tuir tiha formasaun depois sai fali no hakarak lakohi ami tenke selu profesór, entaun nia impaktu mak estudante la aprende buat ida no Estadu lakon osan saugate de’it.

FDCH sei halo kontrolu kada fulan hodi observa estudante ne’ebé tuir formasaun ka lae, ida-ne’e presiza halo tanba orsida públiku dehan Governu ka Estadu mak sala hela de’it maibé lahatene katak sira mak sala.

“Ida-ne’e tenke hadi’a, nune’e iha kada sesta ami sempre ba haree maibé parte hotu tenke hamutuk mak bele hadi’a. Se lae, iha kotuk dehan terus no sofre. Ha’u ko’alia buat ne’ebé realidade, nune’e ita hotu hadi’a, labele fó sala mak Governu,” nia dehan.

Antes ne’e, iha 15 abríl, diresaun nasionál planu peskiza, monitorizasaun liuhosi ekipa téknika atu haree no observa direta partisipasaun formandu sira iha prosesu aprendizajen loro-loron nian iha aula, hodi bele garantia sira-nia partisipasaun durante formasaun tanba kKursu refere fó husi formadór sira husi Korea no Timoroan na’in tolu.

Formasaun Lian Koreia ba timoroan implementa husi Sekretáriu Estadu Formasaun Profisionál no Empregu (SEFOPE) ho parseiru Korean Study Language Programe (KSLP) ho finansiamentu husi orsamentu FDCH ne’ebé prevee iha programa formasaun profisionál hodi prepara foinsa’e tiomoroan sira atu ba servisu iha nasaun Korea.

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!