DILI, 26 abrí 2024 (TATOLI)–Ministru Ensinu Superiór Siénsia no Kultura (MESSK), José Honório Jerónimo, hateten timoroan na’in-10 hetan bolsa estudu hodi kontinua sira-nia estudu iha Cambodia.
“Estudante timoroan hamutuk na’in-10 ne’ebé liu tiha ona faze selesaun ba faze daruak nian atu kontinua sira nia estudu iha Universidade Cambodia. Ne’ebé, sira sei ba iha fulan outubru tinn ne´e,” Governante ne´e hateten ba Agência Tatoli, iha nia kna’ar fatin Colmera, sesta ne’e.
MESSK asina ona nota entendimentu ho Reinu Camboda hodi fó bolsu estudu ba timoroan sira hodi kontinua sira-nia estudu iha universidade Cambodia.
“Ida-ne’e ami vizita ida ba kamboja, ba asina nota entendimentu ho Reinu Cambodia iha área ensinu superiór, tanba sira oferese bolsu estudu ba timoroan sira,” nia dehan.
Governante ne’e hateten, sira-nain 10 ne’e estudu iha Reinu Cambodia iha nível lisensiatura, área negósiu internasionál, relasaun internasionál, informátika no teknolojia.
Jornalista : Osória Marques
Editór : Cancio Ximenes
