BOBONARO, 29 abríl 2024 (TATOLI)-Adjuntu Diretór Eskola Ensinu Báziku Sentrál, 4 de Janeiro Koelima, Manuel da Cruz, hateten governu liuhosi mininstériu kompetente presiza tau orsamentu hodi bele konstrui foun Ensinu Báziku Filiál (EBF) aldeia Madebau, suku Atabae,npostu administrativu Atabae, munisípiu Bobonaro, tanba iha tempu udan no anin la seguru ba manorin no estudante sira atu tuir prosesu Ensinu no aprendizajen.
Alende ne’e presiza mos halo konstrusaun barrajen, tanba iha tempu udan korrente bee-mota sempre fó amesa ba eskola ne’e.
Notísia relevante: 2021, serbisu edukasaun munisípiu Bobonaro implementa projetu 23
“Ami husu ba nai ulun sira atu toma medida lalais tanba mota besik ona, depois ami-nia kondisaun eskola ne’e mos ladi’ak ona, kalen mos ferrujen hotu,bbebak mos ladi’ak ona, tanba eskola ne’e konstrui kedas iha 2009 liuhusi projetu pakote referendu,” nia levanta kestaun hafoin akompaña Prezidente Autoridade Munisipál Bobonaro,blansa fatuk dahuluk ba konstrusaun moru proteje eskola EBC Koelima, segunda ne’e.
Nia rekomenda ba Programa Nasionál Dezenvolvimentu suku (PNDS) nasionál atu aselera prosesu ba projetu konstrusaun moru haleu EBF ne’e.
“Ami sei lembra, iha 21 fevereiru ami hetan vizita husi PNDS nasionál,niha ne’ebá diretór PNDS rasik trasa ona programa atu halo ami-nia lutu ka moru haleu ami-nia eskola, maibé até agora ami seidauk hetan informasaun kona-bá ida-ne’e,” nia hateten.
Ba kestaun ne’e, Diretór Servisu Munisipál Edukasaun Munisípiu Bobonaro,bMiguel Freitas, hateten ekipa tékniku konklui ona levatamentu dadus no daudaun ne’e enkamiña ona proposta ba Ministeriu Edukasaun.
“Sira-nia proposta ne’e tama tiha nasionál, ita lahtene ninia rezultadu ne’e oinsá, ne’e polítika husi Ministeriu Edukasaun nia kna’ar, depois iha tempu ikus mai ita sei haree nia solusaun oinsá,” nia hateten.
Iha fatin hanesan, Prezidente Autoridade Munisipál Bobonaro, Alexandrino Pires, promete ba oin sei ko’alia ho governu atu aselera projetu konstrusaun ba EBF Madebau.
“Ha’u-nia mandatu sei projetu mai iha eskola Atabae Madebau,” nia katak.
Enkuantu estudante ne’ebé hala’o estudu iha EBF Madebau, hosi priemeiru anu to’o kintu anu hamutuk 60
Notísia relevante: ME prioriza konstrui edifísiu eskola foun hamutuk 21 iha 2024
Jornalista: Sérgio da Cruz
Editór: Evaristo Soares Martins
