iklan

MUNISÍPIU, VIQUEQUE

IGEADI,I.P destaka ona ekipamentu pezadu normaliza mota Wetuku

IGEADI,I.P destaka ona ekipamentu pezadu normaliza mota Wetuku

IGEADI destaka ona munisípiu Viqueque normaliza mota Wetuku. Imajén Tatali/Vitorino Lopes da Costa.

VIQUEQUE, 06 maiu 2024 (TATOLI)-Institutu Jestaun Ekipamentu Apoia Dezenvolvimentu Infraestrutura, Institutu Públiku (IGEADI,I.P), desteka ona ekipamentu pezadu iha mota Wetuku, suku Bahalarauain, Postu Administrativu Viqueque Vila, Munisípiu Viqueque, hodi normaliza mota ne’ebé fó ameasa ba abitante iha suku Bahalarauain, Bibileo no suku Luca.

Prezidente Autoridade Munisípiu  (PAM) Viqueque, Francisco Cruz S.de G Soares, hateten, ekipa IGEADI, I.P halo ona normalizasaun bee no mota Wetuku kuaze semana rua tanba foin lalais mota referidu afeta ba abitante sira-nia uma iha suku tolu ne’ebé besik ba mota Wetuku.

“Agora ekipa tékniku IGEADI sira sei kontinua servisu, ha’u espera tempu badak bele normaliza hotu mota Wetuku, atu labele fó ameasa tan ba ita-nia komunidade sira-ne’ebé hela iha suku tolu ne’ebá”,  Francisco Cruz S.de G Soares, hateten ba Agência  Tatoli, iha kna’ar fatin, segunda ne’e.

Prezidente autoridade Viqueque ne’e nota katak katak IGEADI,I.P destaka eskavator rua nune’e halo normalizasaun no hasai sedimentasaun iha mota Wetuku  no posibilidade finaliza iha fulan-Juñu.

Servisu normalizasaun ne’e akompaña hosi autoridade postu Viqueque Vila no ekipa Servisu Obra Públiku (SOP).

“Depois normaliza mota Wetuku ha’u mós komunika ekipa IGEADI atu halo normaliza mós ba  ponte Sumaku, postu Lakluta ne’ebé kotu hodi fasilita ema ho transporte sira-nia movimentu  bá diresaun Lacluta no Viqueque”, nia hato’o.

PAM husu apoia ba IGEADI tanba  autoridade munisípiu Viqueque laiha ekipamentu, nune’e iha dever no responsabilidade atu komunika ba nasionál.

“Ha’u  mós kontinua halo komunikasaun ho   parte tékniku   IGEADI sira  atu  halo  normaliza ba mota Welolo ne’ebé mosu inundusaun ne’ebé   difikulta ba ita-nia komunidade sira inklui estudante sira, atu fasilisita komunidade sira bele asesu. Alende normaliza mota Welolo sei ba halo normaliza   mota Ailembata, suku Babulu, postu Uatulari ne’ebé estraga ona komunidade uma-kain 19 nian uma,” katak autoridade munisipál referidu.

Jornalista: Vitorino Lopes da Costa

Editór    : Florencio Miranda Ximenes

 

iklan
iklan

Leave a Reply

iklan
error: Content is protected !!