iklan

MUNISÍPIU, VIQUEQUE

Komunidade uma-kain hitu iha suku Dilór sofre inundasaun

Komunidade uma-kain hitu iha suku Dilór sofre inundasaun

Ida-ne'e mak kondisaun atual ba abitante uma-kain hitu, iha suku Dilór-Lacluta ne'ebe sofre ba inundasaun. Imajén/ espesiál.

VIQUEQUE, 07 maiu 2023 (TATOLI) – Udan-boot ne’ebé akontese kuaze oras ida husi tuku 15:00 to’o 16:00 tersa ne’e, rezulta komunidade uma-kain 7, iha aldeia Aidak-Laran, Suku Dilór, Postu Administrasatuvu Lacluta, Munisípiu Viqueque, sofre inundasaun tanba bee sa’e maka’as iha mota Dilór.

” Iha ne’e, udan-boot hela no ha’u-nia abitante uma-kain hitu mak bee tama ba sira-nia uma laran. Tanba udan boot mota nakonu entaun bee halai sai hodi  afeta abitante sira-nia uma”, Xefe Suku Dilór, Jacinto Ximenes, hateten ba Agência Tatoli, via telefónika, ohin.

Daudaun, vítima afetadu uma-kain hitu kontinua hela iha sira-nia uma tanba laiha fatin evakuasaun.

“Abitante uma-kain hitu ho totál xefe família 10 sira hela nafatin iha sira-nia uma hodi hein bee to’o maran. Akontese inundasaun ne’e iha semana kotuk akontese uluk no agora kontinua sofre”, nia preokupa.

Ho akontesementu ida-ne’e,  nia dehan, presiza kria morru protesaun iha mota Dilor, nune’e satan bee, hodi abitante sira labele sofre ba inundasaun bainhira udan monu rai.

“Ha’u hanoin Governu presiza konstrui morru protesaun ba mota Dilór Vila. Tanba se Governu la tau atensaun ba oin sei fó impaktu boot ba ita-nia abitante sira iha suku Dilór”, nia sujere.

Jornalista: Vitorino Lopes da Costa
Editór  : Florencio Miranda Ximenes

iklan
iklan

Leave a Reply

iklan
error: Content is protected !!