OÉ-CUSSE, 08 maiu 2024 (TATOLI) – Embaixada Repúblika Indonézia iha Timor Leste (KBRI, sigla indonézia), Okto Dorinus Manik, fó-sai katak, iha loron 05 fulan jullu 2024 ne’e, sei realiza festivál ho atividade prinsipál haat, hanesan; marathon, animasaun, semináriu no promosaun bolsa estudu ba timoroan, iha Rejiaun Administrativa Espesiál Oé-Cusse Ambeno (RAEOA).
Nune’e, Diploma Indonézia ne’e, hato’o ona atividade haat ne’e ba Prezidente Autoridade RAEOA, nune’e bele prepara atleta estudante no komunidade atu hola parte iha eventu ne’e.
“Ohin ami hato’o planu atu halo festivál Indonézia nian iha Oé-Cusse, sei realiza iha loron 05 juñu-fulan, iha atividade desportu half-marathon husi fronteira Wini Sakato to’o aeroportu Palaban, sei envolve atleta husi nasaun rua nian, tanba ne’e dahuluk border marathon entre Timor-Leste ho Indonézia,” Okto Dorinus Manik informa.
Atividade tolu seluk sei iha mós animasaun husi artista sira mai husi Indonézia, semináriu kona-bá transaksi bisnis no atividade ikusliu mak promosaun bolsa estudu ba estudante sira iha Oé-Cusse.
“Ida-ne’e nia obejtivu atu haforsa fila-fali konetividade ekonómia espesiál ba komunidade NTT ho Oé-Cusse,” nia afirma.
Prezidente Autoridade RAEOA, Rogério Tiago Lobato, apresia ho inisiativa ne’e, nune’e mós Autoridade sei realiza mós desportu tranfronterizmu iha liña fronteira.
“Ita kontenti, tanba KBRI hakarak organiza festivál iha loron 05 fulan jullu, ha’u mós hanoin komesa atu organiza desportu la’os de’it iha Oé-Cusse, maibé desportu tranfronterizmu ita bele joga iha ne’ebá sira mós bele mai joga iha ne’e,” nia dehan.
Notísia relevante: Embaixadór Indonézia koordena Autoridade atu loke BRI iha Oé-Cusse
Jornalista: Abílio Elo Nini
Editór: Evaristo Soares Martins
