iklan

HEADLINE, SOSIEDADE SIVĺL

Permatil : Governu tenke tau importánsia ba konservasaun ambientál iha Timor-Leste

Permatil : Governu tenke tau importánsia ba konservasaun ambientál iha Timor-Leste

Diretór PERMATIL, Eugénio “Ego Lemos". Imajen Tatoli /Egas Cristóvão

DILI, 10 maiu 2024 (TATOLI) – Diretór Ezekutivu Permatil, Ego Lemos, dehan Governu tenke tau importánsia ba konservasaun meiu ambiente sira iha Timor-Leste.

Ha’u-nia sujestaun ba Governu mak tenke tau importánsia ba ambientál sira iha ita-nia rain, tanba isu ambientál ne’e buat ida ke boot, entaun presiza iha investimentu di’ak, atu ita bele konserva bee iha ita-nia rain”, Ego Lemos, dehan ba TATOLI iha salaun Multi-funsaun GMN, ohin.

Nia dehan, investimentu ba foinsa’e sira mak tenke barak liu iha Timor-Leste, se la investe agora mak ba futuru sei sai problema boot.

“Ita tenke investe ba foinsa’e sira atu bele halo asaun barak liután iha ita-nia rain, ezemplu konserva bee rasik, labele tau de’it investimentu ba infraestutura maibé tenke tau mós balansu atu restaura rekursu bee ne’e rasik, tanba se ita la hahú investe mak nia problema aumenta to’o ikus ita labele rezolve”, nia relata.

Nia esplika, atu prevene hodi labele mosu inundasaun no rai halai mak presiza halo investimentu.

“Hosi 2015 mai, ita konsege hamoris bee matan hamutuk 300-resin iha territóriu nasionál”, nia afirma.

Nia informa, Permatil sei  organiza, iha tinan-ne’e, halo akampamentu nasionál iha Dare ne’ebé sei lori reprezentante juventude hosi munisípiu hotu atu aprende tékniku hodi hamoris bee matan.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!