DILI, 14 maiu 2024 (TATOLI)—Ministériu Edukasaun (ME) sei tenta haree rezolve problema Eskola Pre-Eskolár Nova Tasi-tolu ne’ebé mak hetan markasaun ba despeju administrativu.
“Depois ita sei tenta haree ba situasaun ida-ne’e, depois ita rezolve, ne’e planu ona, Governu hakarak ka lakohi kuandu eskola sira kona ona risku ne’e ita rezolve,” Sekretáriu Estadu Ensinu Sekundáriu Jerál no Ensinu Tékniku Vokasional, Domingos Lopes Lemos, informa ba Agência Tatoli, iha salaun Ian Martin INFORDEPE, Balide, tersa ne’e.
Notísia relevante : ME fasilita karta transferénsia estudante Pre-Eskolár Nova Tasi-tolu ba eskola seluk
Governante ne’e dehan, iha mós mekanizmu seluk, hanesan halo karta transferénsia ruma hodi transfere estudante bá eskola seluk.
Iha sorin seluk, Koordenadora Pre-Eskolár Nova Tasi-tolu, Josefina Fátima Xavier, hateten, eskola daudaun ne’e kontinua prosesu aprendizajen hanesan baibain maski tuir informasaun katak tenke hamamuk fatin iha tempu badak.
Daudaun ne’e, ami-nia prosesu aprendizajen la’o hela, ita rona informasaun liuhusi konferénsia imprensa ne’ebé halo iha Tasi-tolu katak sei fó tempu fulan-ida, nune’e inísiu junu tenke hamamuk, maibé ha’u rasik seidauk simu notifikasaun no seidauk buka fatin ba subtuisaun ba eskola,” nia tenik.
Jornalista : Osória Marques
Editora : Julia Chatarina
