Top

PN autoriza PR Horta hala’o viajen ofisiál ba Singapura

Prezidente Repúblika, José Ramos Horta. Imajen Tatoli/Egas Cristóvão.

DILI, 21 maiu 2024 (TATOLI)—Parlamentu Nasionál (PN), tersa ne´e, liuhusi reuniaun plenária autoriza Prezidente Repúblika (PR), José Ramos Horta, hodi hala’o viajen ofisiál ba Singapura.

“Rezultadu votasaun a-favór 38, kontra tolu (3) no abstensaun 12, ne’ebé asentimentu pasa,”  Prezidente Parlamentu Nasionál, Maria Fernanda Lay, fó sai iha sala plenária Parlamentu Nasionál.

Tuir termu previstu husi númeru 1 iha artigu 80 no alínea h númeru 3 artigu 95 iha konstituisaun, ho meiu ne’e PR solisita ba PN konsentimentu préviu ba dezlokasaun ofisiál ba Singapura hodi responde ba konvite husi diretór jerál no xefe ezekutivu institutu internasionál estudu estratéjiku diálogu sanrilla, hodi partisipa vijesímu primeira edisaun diálogu sanrila husi institutu ne’e iha Singapura.

Nune’e, PR Sei dezloka ba Singapura hosi loron 30 maiu tinan 2024, konsidera importánsia eventu ne’e anuál no konsidera fórum seguransa importante tebes iha ÁSIA no plataforma fundamentál ba debate no rezolusaun dezafiu rejionál pertinente.

Tuir kalendáriu, Prezidente Repúblika José Ramos Horta sei fila-fali mai iha Timor-Leste iha 02 juñu tinan ne’e.

Jornalista : Nelson de Sousa

Editór        : Cancio Ximenes  

Publisidade

Leave a Reply

Latest Post

error: Content is protected !!