EKONOMIA, HEADLINE

UK apoia TL iha sertifikadu eletróniku orijinál ba produtu

UK apoia TL iha sertifikadu eletróniku orijinál ba produtu

Reprezentante ba Republik Indonesia no Noun-Residensia Embaisadór ba RDTL, Dominic Jermey. Imajen Tatoli/Francisco Sony

DILI, 21 maiu 2024 (TATOLI) – Embaixadór United Kingdom (UK) ba Indonézia no Timor-Leste, Dominic Jermey, hateten Embaixada UK iha Timor-Leste, tinan ne’e loke ona, hodi prosesa sertifikadu eletróniku orijinál Timor-Leste, atu produtu sira bele asesu ba merkadu ASEAN no Organizasaun Mundiál Komérsiu (OMK).

“Iha enkontru ne’e ami koa’lia kona-ba atu hametin ami-nia relasaun ho Timor-Leste, tanba ne’e ha’u orgullu tebes, iha tinan ne’e ami bele loke Embaixada ida-ne’e hodi prosesa sertifikadu orijinál Timor-Leste nian, nune’e bele asesu ba merkadu ASEAN no Organizasaun Mundiál Komérsiu (OMK)”, Dominic Jermey hateten ba jornalista sira hafoin enkontru ho Ministru Komérsiu Indústria iha eskritóriu MCI, Bebora, ohin.

Nia dehan, Reinu Unidu apoia nafatin Timor-Leste iha prosesu Estadu no lejislasaun ho objetivu atu iha sertifikadu orijinál ba produtu timoroan sira hodi permite komérsiu iha merkadu ASEAN no Organizasaun Mundiál Komérsiu.

“Ami sei ajuda dezenvolvimentu negósiu Timor-Leste nian, buat ida-ne’ebé ami halo atu suporta mak formasaun ofisiál ministru sira hodi partisipa iha enkontru ASEAN nian no atu ajuda dezenvolve lejizlasaun estadu orijinál iha nasaun ida-ne’e. Ami hakarak halo komérsiu ho nasaun Timor-Leste nian no ha’u hein katak Reinu Unidu mós bele”, nia esplika.

Nia afirma, ho ida-ne’e, UK sei apoia diplomata Timor-Leste nian hodi hadi’a sira-nia lian Ingles no mós ba asuntu saúde inan nian, saúde ba bebé no mós problema stunting.

Iha fatin hanesan, Ministru Komérsiu no Indústria (MCI), Filipus Nino Pereira, afirma enkontru ida-ne e kontinuasaun hosi kooperasaun servisu ne’ebé hosi MCI ho parte Embaixada UK nian iha Jakarta no Timor-Leste.

“Ita orgullu tanba depois tinan 25, Governu UK dezide atu loke sira-nia Embaixada iha TL, entaun ida-ne’e hahú hosi sira-nia vizita dahuluk mai TL, liu hosi kooperasaun ne’ebé mak halo hanesan fó formsaun ofisiál sira, entaun ida-ne’e dalan di’ak ba ita atu sai ona ba membru OMK depois ba tan ASEAN, ida-ne’e ita presiza iha sertifikadu orijin atu hateten ita-nia produtu sai duni hosi Timor-Leste”, Nino Pereira dehan.

Nia relata, Governu Timor-Leste prepara hela lejizlasaun balun ba implementasaun regra orijen  bainhira tama iha ASEAN, nune’e bele fasilita atividade komérsiu bele la’o ho di’ak.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!