DESPORTU, HEADLINE

Aimou FC derrota kontra UEP FC ho eskore 0-2

Aimou FC derrota kontra UEP FC ho eskore 0-2

Jogu Futebol Kopa Maun Boot Kayrala Xanana Gusmão 2024, UEF.FC kontra AIMOU FC, iha estadiun Munisípal Dili, kuarta (22/05). Imajen Tatoli/Francisco Sony

DILI, 22 maiu 2024 (TATOLI) – Ekipa istimadu husi Munisipiu Viqueque Aimou FC obrigadu tenke derrota kontra adversáriu UEP FC ho rezultadu 0-2, iha jogu kontinuasaun kopa Maun Boot Kay Rala Xanana Gusmão, ne’ebé realiza iha Estádiu Munisipál Dili, kuarta lokoraik ne’e.

Bainhira jogu la’o ekipa rua lansa kedan kontra no atake ba malu tuir tékniku no abilodade ekipa idaidak nian nune’e bele buka hatama golu.

UEP halo atake ne’ebé maka’as iha minutu primeiru maibé, oportunidade barak mak avansadu la ezekuta ho di’ak nune’e falla iha finalidade. Aimou la nonok tenta responde atake ne’ebé UEP halo hodi hamate UEP nia jogu brillante sira iha lina oin.

Jogu Futebol Kopa Maun Boot Kayrala Xanana Gusmão 2024, UEF.FC kontra AIMOU FC, iha estádiu Munisípal Dili, kuarta (22/05). Imajen Tatoli/Francisco Sony

Maske seidauk ezekuta ho di’ak UEP nafatin luta. Nunka lakon esperansa jogu ho nune’e iha minutu 23 jogadór UEP Juvencio Casmiro (9) lansa ona golu dala uluk hodi muda UEP nia rezultadu ba 1-0. Golu ne’e halo Aimou tenke servisu maka’as nune’e prodús golu no halo empata ba jogu ne’e.

Esforsu hotu Aimou halo, maibé esforsu hotu hela de’it hanesan esforsu tanba la konsege sobu UEP nia defeza hodi lees UEP nia rede.

Jogu la’o to’o minutu 45 termina rezultadu nafatin mantein ho 1-0 maske árbitru deside adisionál minutu rua, maibé la rezulta tan golu ruma nune’e jogu tenke pauza minutu 15 hafoin kontinua ba segunda parte.

Hakur ba segunda parte ekipa rua nafatin hatudu jogu maibé la ho velosidade ne’ebé maka’as tanba kauza husi loron manas, maibé jogadór ekipa rua nafatin hatudu jogu nu’udar jogadór profesionál iha kampo laran.

Aimou esforsu halo empata jogu, UEP eforsu aumenta golu, maibé esforsu Aimou nian la hatudu iha prova tanba la halo golu maske hetan oportunidade barak falla iha finalidade.

UEP kontinua esforsu ho situasaun hotu iha kampo laran ikus iha minutu 47 jogadór Juvencio Soares (16) hetan bola pasa ida husi nia kolega konsege sutu ho kalam bola tama liu rede laran Aimou nian aumenta golu ba 2-0. Golu ne’e halo Aimou tenke servisu maka’as maibé servisu sira hotu hela de’it hanesan servisu.

UEP joga ho kalma hodi hein minutu 90 termina sira bele manán jogu, ikus to’o minutu normal termina adisionál tan minutu 2 maibé to’o minutu ne’e remata rezultadu kontinua hela ho 2-0.

Ho rezultadu ne’e fó biban ba UEP mak iha direitu absoluta vitoria hodi save pontu 3, Aimou tenke hela ho lakon hodi hein jogu seluk tuir mai iha faze apuramentu grupu.

Husi vitoria ne’ebé UEP hetan lori ekipa ne’e lidera provijoriu tabela klasifikasaun grupu E ho pontu 6, lina segundu Aimou FC ho pontu 3, terseiru Laivai FC ho pontu tolu no ikus liu Vila-Vista FC ho pontu mamuk kandidadu forte ba elemina.

Jogu ne’e lidera husi árbitru prinsipál Nivio Fernandes, juiz liña Antonio Carvalho, Paulo da Costa no árbitru rezerva Pedro Braga.

Notísia relevante:Derrota ho 1-2, posibilidade Vila-Vista FC elemina husi kopa Xanana

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!