DESPORTU, HEADLINE

Ostico halakon Hera United ho eskore 2-1

Ostico halakon Hera United ho eskore 2-1

Jogu Futebol Kopa Maun Boot Kayrala Xanana Gusmão 2024, FC Ostico kontra Hera United FC, iha estadiun Munisípal Dili, kinta (23/05). Imajen Tatoli/Francisco Sony

DILI, 23 maiu 2024 (TATOLI)– Ekipa Ostico FC susesu ‘lulun’ Hera United FC ho rezultadu 2-1, iha jogu kontinuassun kopa Maun Boot Kay Rala Xanana Gusmão  ne’ebé realiza iha Estádiu Munisipál Dili, kinta lokoraik ne’e.

Bainhira jogu hahú ekipa rua lansa kedan kontra no atake ba malu tuir tékniku no abilodade ekipa idaidak nian, nune’e bele hadau malu sé los mak atu save pontu tolu durante jogu.

Jogu Futebol Kopa Maun Boot Kayrala Xanana Gusmão 2024, FC Ostico kontra Hera United FC, iha estadiun Munisípal Dili, kinta (23/05). Imajen Tatoli/Francisco Sony

Ostico lansa kontra atake ne’ebé maka’as hasoru Hera halo Hera book-aan susar nune’e iha minutu 8 jogadór Ostico  Mario Quintão (11)  konsege fura ona rede Hera hodi muda rezultadu ba 1-0.

Golu ne’e halo Hera tenke servisu maka’as ho pasiensia, maibé Ostico la fó fatin ba Hera atu prodús golu tuir nia hakarak, avansadu Hera esforsu maka’as, maibé esforsu hirak ne’e hela de’it hanesan esforsu tanba la konsege halo empata jogu ne’e.

Minutu la’o ho nonok, jogu la’o ho barullu maibé ekipa rua hatudu forsa jogu ne’ebé hanesan nune’e durante minutu primeira parte termina votoria provijoriu hela ba Ostico.

Dolar ba segunda parte ekipa rua kontinua lansa kontra no atake ne’ebé seriu, Hera esforsu ne’ebé maka’as, la sente kole, tanba hakarak halo empata jogu ne’e.

Esforsu ne’ebé Hera halo ikus fó duni rezultadu tanba iha minutu 49 jogadór Tomas Sarmento (2) konsege responde golu ida muda rezultadu ba 1-1, mehi Hera nian sai ona ba realidade, maibé kontinua esforsu atu manán jogu ne’e, maibé la konsege tanba Ostico mós iha forsa ne’ebé extraordinariu.

Maske jogu ne’e empata ona maibé Ostico kontinua haka’as aan ho meiu hotu ikus fó duni rezultadu tanba minutu 75 jogadór Josefino Emmanuel (4) konsege fura tan rede Hera hodi fó kedan vitoria ba Ostico ho rezultadu 2-1.

Golu ne’e fó ksolok tebes ba Ostico tanba garante ona manán jogu ne’e, Hera tenta halo empata jogu maibé la konsege tanba Ostico nia defeza halo blokeia metin la fó fatin ba Hera atu prodús golu.

Ikus minutu normal termina laiha tan golu ruma mak akontese ikus, vitoria save metin ba Ostico no Hera tenke hela ho derrota ho laran triste.

Vitoria ne’ebé Ostico gaña lori ekipa ne’e okupa iha lina primeiru tabele klasifikasaun grupu F ho pontu 6, nune’e segundu Hera ho pontu 3, terseiru Lalloran Wekeke ho pontu 3 no ikus liu Lecidere ho pontu mamuk.

Notísia relevante: Kopa Xanana, Warikoan FC “lulun” Irmão Timor 2-0

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!