BAUCAU, HEADLINE, MUNISÍPIU, SEGURANSA

PNTL detein joven na’in-lima iha Baucau

PNTL detein joven na’in-lima iha Baucau

Komandante PNTL Munisípiu Baucau, Superintendente Xefe, Antoninho Mauluta. Imajen Agência TATOLI/Natalino Belo.

BAUCAU, 23 maiu 2024 (TATOLI) – Komandu Polísia Nasionál Timor-Leste (PNTL) munisípiu Baucau detein joven na’in-lima autór ba kazu hakanek vítima na’in-tolu iha área Uatulete, suku Tirilolo, postu Baucau Vila.

Tuir kronolojia, kazu referida akontese iha loron-dumingu, 19 maiu bainhira vitíma inan hamutuk ho oan na’in-rua tuur iha varanda, maske portaun taka suspeitu inisiál DSF tenta sobu portaun baku kedas no autór na’in-haat seluk lori ho sasán kro’at hanesan katana, kanuru suru-rai, besi kanu inklui mos ai-dona, hodi baku vítima sira hodi rezulta vítima na’in-rua hetan kanek grave iha parte ulun no ida seluk kanek kmaan.

“Kazu nee asaltu, tanba vítima sira iha hela uma, sira ba laiha autorizasaun, estraga ema-nia portaun tama to’o laran,” Komadante PNTL Baucau hateten iha Vila Nova, kuarta ne’e.

Hafoin akontesimentu, parte Komandu Munisípiu Baucau orienta kedas membru sira kaptura suspeitu sira neebe envolve iha kazu nee, no detein iha sela Komandu Polísia Munisípiu Baucau durante oras 12.

Suspeitu nain-lima referida ho inisiál JGF idade 25, UMDS 23, MDSJ 23, AJRM 25, no DSF 21, enkuantu vítima na’in-tolu ho inisiál NCC idade 29, ida SCMB idade 22 no TCB idade 43.

Komandu PNTL Baucau rejista ona kazu asaltu referida ba Ministériu Públiku hodi kontinua iha Tribunál.

Jornalista   : Natalino Belo 

Editór         : Evaristo Soares Martins 

iklan
iklan

Leave a Reply

iklan
error: Content is protected !!