JUSTISA, COVALIMA

Terra no propriedade simu keixa disputa rai tolu husi komunidade iha Covalima

Terra no propriedade simu keixa disputa rai tolu husi komunidade iha Covalima

Diretór Terra no Propriedade Servisu Kadastrál Covalima, Carlos Caetano. Imajen/Celestina Teles.

COVALIMA, 23 maiu 2024 (TATOLI)- Diretór Terra no Propriedade Servisu Kadastrál munisípiu Covalima, Carlos Caetano informa katak iha nia mandatu tinan-2024 ne’e, nia simu keixa disputa rai tolu husi komunidade sira, iha munisípiu Covalima.

“Terras simu keixa ne’ebé hato’o husi komunidade ho verbál maibé presiza hato’o karta eskrita nune’e terra bele asaun halo levantamentu no halo mediasaun. Bainhira la iha rezultadu, ita halo akompañamentu ba iha nível nasionál, halo analiza tuir dalan legál,” Carlos Caetano, relata ba TATOLI, iha Bairu-Rompe, kinta ne’e.

Tipu kazu dipbuta rai ne’ebé terra propriedade simu mak hanesan mai husi komunidade suku Debos, postu Suai, disputa rai iha suku Suai-Loro komunidade fa’an rai ba kompañia la iha kuñesementu husi autoridade no husi  suku Ogues, komunidade balun fa’an dóminiu públiku.

Kazu disputa rai tolu ne’ebé terra simu, kazu ida haruka ona ba nasionál no kazu rua seluk sei iha terra no propriedade hodi hein karta husi komunidade nune’e terra bele halo levantamentu dadus hodi halo mediasaun.

Dirijente ne’e esplika, papél Terra no Propriedade atu halo mediasaun ba sidadaun sira hato’o keixa ba Terra kona-ba iha disputa rai. La iha konkordánsia kontinua halo prosesu.

Aleinde ne’e, nia informa, kona-ba komunidade sira atu fa’an no sosa dóminiu públiku bainhira terra halo levantamentu la halo mediasaun maibé foti kedas desizaun tuir baze legál Lei númeru 1/2003 no   dekretu-lei númeru 19.o atu administra no regulariza

Antes ne’e, Eis-diretór Terra no Propriedade Covalima, Helder Godinho Martins, iha fulan-maiu 2023   fó sai katak dadus disputa rai, iha nia madatu rejista kazu lima. Husi númeru ne’e, balun rezolve iha Covalima no   balun haruka ba nasionál atu rezolve

Tipu kazu ne’ebé terra haruka ba nasionál hanesan tipu kazu halai ba krime no sidadaun sira parte rua lakoi simu malu bainhira Terra no Propriedade halo mediasaun.

Jornalista: Celestina Teles

Editór: Rafael Ximenes de A. Belo

iklan
iklan

Leave a Reply

iklan
error: Content is protected !!