SAÚDE, VIQUEQUE

Ambulánsia iha sentru saúde Uatucarbau avaria difikulta transporta pasiente

Ambulánsia iha sentru saúde Uatucarbau avaria difikulta transporta pasiente

Xefe Sentru Saúde (SS), Postu Administrativu Uatucarbau, munisípiu Viqueque, Jerimias Mota.Imajén Tatoli/Vitorino Lopes da Costa

VIQUEQUE, 24 maiu 2024 (TATOLI)- Xefe Sentru Saúde (SS), Postu Administrativu Uatucarbau, munisípiu Viqueque, Jerimias Mota, informa, daudaun karreta ambulánsia iha sentru saúde Uatucarbau ho kondisaun aat  ka avaria kuaze fulan ida ona, nune’e difikulta trasporta emerjénisa ba pasiente sira bá Viqueque Vila.

“Ami-nia ambulánsia agora kondisaun avaria, kuaze fulan ida ona, nune’e labele tula moras sira iha suku no iha sentru atu tula ba internamentu Viqueque. Ami sente difikulta tebes ba ami-nia abitente sira-ne’e tanba moras grave ruma iha suku sira-ne’ebé distánsia dook hanesan Bahatata, Afaloikai, Loiulu ne’e difísial transporta mai iha sentru”, Jerimias Mota, hateten ba Agência Tatoli, via telefónika, ohin.

Ho kondisaun referidu, SS Uatucarbau halo pedidu manutensaun ba Servisu Saúde Munisípiu Viqueque (SSMV) hodi halo manutensaun ambulánsia atu fasilita abitante sira-ne’ebé moras hodi tranporta husi suku no ba ospitál internamentu Viqueque.

“Ha’u halo ona pedidu ba munisípiu no munisípiu fó hatene ona ami katak  agora seidauk loke tenderizasaun manutesaun nian. Ami hakarak prosesu sira-ne’e aselera atu labele difikulta ami no ita-nia abitante sira hela iha área rurál”, nia hato’o.

Maske ambulánsia avaria, maibé SS Uatucarbau  koordena ho SS Uatulari mak fó apoia provizóriu hodi ajuda tula moras sira emerjénsia iha Uatucarbau bá ospitál internamentu Viqueque

“Meiu ida-ne’e mak ami halo hodi  responde ami-nia problema ambulánsia ne’ebé agora aat hela,” nia realsa.

Hatán ba kestaun ne’e,  Xefe Departamentu Logistika Servisu Saúde munisípiu Viqueque, Deonizio Paulo Soares,afirma kona-ba ambulásia sira-ne’ebé avaria iha sentrusaun saúde sira  servisu saúde Viqueque halo ona pedidu ba Ministériu Saúde (MS), maibé agora seidauk loke tenderizasaun ba empreza manutesaun.

“Sim ambulásia aat no ami halo ona identifikasaun ba ambulánsia unidade  haat mak kondisaun aat hanesan, iha sentru saúde Ossu uluk hetan asidente ne’ebé agora sei iha nasionál halo manutesaun. Nune’e Ambulánsia husi  postu Lacluta, Viqueque Vila no postu Uatucarbau ne’ebé agora avaria totál. Ami halo pedidu ba nasionál, maibé seidauk   iha  tenderizasaun   manutesaun nian. Tanba ne’e maka ambulánsia sira-ne’e   seidauk halo manutesaun, ita hein de’it tempu badak ministériu  bele loke tenderizasaun ba manutesaun ambulánsia sira-ne’ebé aat”, nia hato’o.

Durante ne’e nia dehan, ambulánsia  land cruzer ida iha armazein saúde munisípiu maka   fó apoiu ba postu Lacluta, Ossu no Viqueque vila hodi halo tranferénsia moras sira nune’e  ladun problema ba transferénsia moras.

Jornalista   : Vitorino Lopes da Costa

Editór       : Florencio Miranda Ximenes

iklan
iklan

Leave a Reply

iklan
error: Content is protected !!