EKONOMIA, MUNISÍPIU, VIQUEQUE

Sentru Agro-Komérsiu Ratahu Viqueque reativa atividade kuda batar   

Sentru Agro-Komérsiu Ratahu Viqueque reativa atividade kuda batar   

Sentru agro-komérsiu Raitahu iha munisípiu Viqueque. Imajen Tatoli/Vitorino Lopes da Costa

VIQUEQUE, 24 maiu 2024 (TATOLI) – Sentru Agro-Komérsiu Ratahu, Suku Uma Uain Kraik, Postu Administrativu Viqueque Vila, Munisípiu Viqueque hahú ativa hikas ativadade  kuda batar ho varidade sele kuaze etare ida no kontinua halo manutesaun ba planta Buanaga huun 120.

Sentru Agro-Komérsiu Ratahu ne’ebé antes ne’e reaponsabiliza husi Asosiasaun Alumni Arava International Center for Agriculture Training (AICAT, sigla inglés), maibé iha tinan 2023 sai paradu, tanba ne’e Ministériu Agrikultura Floresta, Pekuária no Peska (MAFFP) deside nomeia fali koordenadór ida hodi tau matan ba atividade iha sentru, iha fulan-Fevereiru 2024 hodi hamoris fila atividade sira-ne’ebé asosiasaun abandona.

Koordenadór Sentru Agro-Komérsiu Ratahu, Julio Pinto Ribeiro, esplika Agro-Komérsiu Ratahu antes ne’e finansia hosi MAFFP, maibé asosiasaun ne’ebé jere rezulta fallansu, entaun sentru sai abandonadu.

“Agora ami reativa ona, hahú halo atividade polu ki’ik hanesan kuda batar, hamos duut, manutesaun baletu, atividade peskas, pekuária no ortikultura. Maibé, balun ami seidauk halo tanba ligasaun ho orsamentu ne’ebé Governu seidauk prevee mai Sentru Agro-Komériu”,  Julio Pinto Rubeiro, hateten ba Agênsia Tatoli, iha sentru Agro-Komérsiu, Ratahu, ohin.

Kona-ba atividade ortikultura, nia dehan, agora dadauk seidauk bele kuda modo tanba enfreta ba bee ne’ebé atu rega modo, sentru iha bee posu rua utiliza pompa, maibé eletrisidade maka laiha ne’ebé bee maka agora sei problema.

“Eletrisidade uluk iha, maibé agora sei problema tanba uluk asosiasaun liga ahi eletrisidade illegál ne’ebé ekipa Eletrisidade de Timor Leste, Empreza Públiku (EDTL, E.P) munisípiu Viqueque deteta tesi tiha liña eletrisidade ne’ebé liga mai sentru. Foin lalais ha’u ba hasoru ona Jestór EDTL, maibé sira dehan tenke multa $25 mil-resin hafoin bele liga ahi. Nune’e ha’u fó hatene fali ona ba nasionál hodi rezolve eletrisidade. Ahi eletrisidafe maka sai dazafiu ba ami maske komitmentu hakarak halo atividade sira-ne’e, maibé eletrisidade sai difikuldade mai ami, lorloron, ami ativa iha sentru hodi halo uluk atividade ki’ik sira”, nia haktuir.

Aleinde ne’e, nia relata, Sentru Agro-Komérsiu halo koordenasaun ho MAFFP Viqueque aloka tratór boot hodi fila ona rai etare rua, etare ida kuda uluk ona batar, atu kuda tán ai-manas ne’ebé agora prepara hela viveiru ai-manas oan.

Maibé, atividade planta indústria liuliu kona-ba viveiru ba ai-fuan maka seidauk, ida ne’ebé uluk kuda ona hanesan nuu, buanaga no hudi delos, agora kontinua tau matan no halo limpeza duut sira-ne’ebé besik ai-horis sira-ne’ebé kuda ona iha sentru laran.

“Fatin sentru ida-ne’e ba futuru ne’e sai sentru integradu nune’e agora ami prepara ona planu   tinan oin 2025, sei hatama karau susbeen hamutuk 10, inan ualu no amán rua, hodi prepara ba prodús susbeen. Semana oin ami hahú tau estaka ba karaun luhan, atu nune’e tinan oin Governu prevee orsamentu ba ami karik atividade sira bele la’o”, nia hato’o.

Kona-ba traballadór ne’ebé preparadu hamutuk 15 inklui koordenadór na’in-ida, husi númeru trabaladór ne’e tékniku na’in-haat no asisten tékniku hamutuk 10 ne’ebé agora Governu fó kontratu hodi halo servisu iha sentru Agro-Komérsiu.

“Ho ami-nia prezensa iha sentru ida-ne’e, ami hakarak dezenvolve sentru ida-ne’e hodi sai mós hanesan amostra ida ba ita-nia abitante sira iha Munisípiu Viqueque liuliu área ortikulutra kolam ikan, pekuária, peska, planta indústria no seluk tán”, nia akresenta.

Jornalista   : Vitorino Lopes da Costa

 Editór       : Editór : Zezito Silva

iklan
iklan

Leave a Reply

iklan
error: Content is protected !!